محادثات سيجنال والفضيحة الكبرى

بقلم لواء دكتور مهندس// سامي دنيا 

فضيحة تسريب المحادثة على Signal بين مسؤولين أمريكان!

تسريب خطير لمحادثة سرّية بين مسؤولين كبار في الإدارة الأمريكية على جروب اسمه “Houthi PC small group” على تطبيق Signal، كشفوا فيها نواياهم الحقيقية بخصوص التدخل في البحر الأحمر وحرية الملاحة!

في المحادثة:
نائب الرئيس الأمريكي Pete Hegseth قالها بالحرف: “أوروبا عالة علينا، وده شيء مُثير للشفقة، بس إحنا الوحيدين اللي نقدر نتحرك دلوقتي بناءً على أوامر الرئيس بفتح ممرات الشحن… بس القرار النهائي قدامه 24 ساعة”.

مسؤول تاني اسمه S M قال: “الرئيس إدانا الضوء الأخضر، بس لازم نخلي مصر وأوروبا يعرفوا إحنا عايزين إيه في المقابل. لو أوروبا ما دفعتش، هنعمل إيه؟ لو أمريكا دفعت التكلفة علشان ترجّع حرية الملاحة، يبقى لازم ناخد مكاسب اقتصادية مقابل ده”.

فانس كتب: “لو شايفين نبدأ، يلا بينا… بس أنا كرهت إني أشيل أوروبا تاني!”

واتفقوا إنهم يقللوا الخطر على منشآت النفط السعودية في نفس الوقت.

وبعد التنفيذ – على ما يبدو – بدأ الشكر والتهنئة في الجروب:
“بداية ممتازة”، “شغل جامد يا بيت والفريق”، “عمل كبير… بداية قوية”.

المعنى الخطير؟
أمريكا بتخطط تدخل عسكري لحماية الملاحة، بس مش ببلاش… وبتفكر ازاى تحاسب على التكلفه من مصر وأوروبا على أي خطوة، ولو أوروبا ما دفعتش… فيه تهديدات واضحة.

الفضيحة؟
المحادثة دي أول دليل مباشر على إن واشنطن بتستخدم حماية الممرات الدولية كـ”ورقة ضغط اقتصادي” على الدول الحليفة… وأي كلام عن “حرية الملاحة” بيكون ليه تمن مدفوع مسبق!
شد_أجزاء
نوبة_صحيان
ننتبه جيدا