تأملات وروحانيات. : الناس التي تفكر في الاحتفال بعيد الحب ياريت يفكروا في الحب نفسه .. لان ما اكثر من الاحتفالات ومظاهر الحب وما اقل من الحب نفسه .. فياريت نبطل اسطوانات ومظاهر كدابه وكمان نوجه الهدايا وفلوس الدباديب للناس اللي تستحقها لان في ناس حرفيا مش لاقيه اللقمه .. دليل الحب مش دبدوب ولا هديه ولا الهدايا ماهما كانت عظمتها والهدايا مش هي برهنة للحب او دليله .. وياريت نفتكر وانتم متغطيين في ناس عراه في البرد وانتم بتتعزموا وتعزموا في اطفال بتموت من الجوع ودي مش مبالغه .. الحب الحقيقي انك تتخلص من النفاق والتطبيل اللي اتعودنا عليه وعشنا بيه وانك تسد ودنك عن الافاقين بتوع التلات ورقات .. الحب نفسه هو انك تفتح احضانك وقلبك وعقلك للاحساس بالناس ووجعهم وطبطب علي المجروحين .. الكلمه الحلوه اللي بصدق والاحساس الطيب اللي من غير غش والابتسامه في وشوش الناس كل الحاجات دي هي حب ♥️♥️ مع خالص تحياتي د. سامى دنيا
