عادل محمود
الفنانة الجميلة مديحة يسري فى أحد لقاءاتها كشفت عن أغرب كابوس شافته في حياتها ، كابوس خلاها تصحى مفزوعة قبل الفجر، ومتعرفش ترجع تنام تاني
قالت إنها حلمت إن التمثال اللي حطاه في صالون بيتها واللي معمول على شكلها ، بدأ يتحرك لوحده ، الروح دبت فيه، وابتدى يمشي في البيت بهدوء غريب
وبقى يفتح أبواب الغرف ويتفقدها كأنه صاحب المكان ، وبعدين، راح على التلاجة، فتحها بكل برود، طلع شوية مربى وفاكهة، وحطهم على السفرة وبدأ ياكل كأنه واحد عايش عادي جدًا
ومديحة في الحلم دخلت مصدومة، وسألته بغضب: “مين نقلك من مكانك ومين سمحلك تاكل من الأكل ده؟”
لكن المفاجأة، إنه بص لها بتكبر وقال بنبرة حادة ، ومن تكوني حتى تكلميني كده ، أنا هنا الحاكم بأمري، أعمل اللي أنا عايزه في البيت ده ، وبعدها بتقول مديحة، صحيت وفضلت وقت طويل مش قادرة أنام
كل ما أبص على التمثال أحس إنه بيبصلي بطريقة غريبة ، ولما حكت اللي حواليها ، فيه ناس قالوا، دي أضغاث أحلام ، وناس تانية قالت يمكن روح دخلت التمثال، زي ما كان بيعتقد الفراعنة
لكن مديحة ما اهتمتش بالكلام ده، كل اللي شغلها إن التمثال ما
