المشاهير والمهرجانات

يا مصر ،،،، يابلدى 

يا مصر ،،،، يابلدى

 

كفاياكي عند وتحدي ،

 

وتقولي يا ارض اتهدي ما عليكي ادي

قوية ، و عن الكل مستغنية ،

 

يا مصر رغم جراحك بنفسك مستكفية،

 

لا فارق معاكي وقت الشدائد والصعاب تكوني واقفة بطولك وحيدة ،

ولا عطاء من حد مستنية ،

كتافك ياما شالت وبولادك الشجعان بالميري مستقوية ،

 

امك جميلة وهنية والست اصيلة و بهية ،

والجده هاجر تحت رجلها اتفجرت الأرض وطلعت اعذب واطهر مية ،

 

وماريا القبطية ام ابراهيم ، زوجة خير البريه ،

وعلي ارضك اللقمة لو بملح نعمه وفضل ولقمة هنية ،

 

استحملتي كتير وشلتي جوة قلبك وعلي ارضك الغني والفقير ،

 

القريب والغريب والصاحب والحبيب

ومنهم الطيب وفيهم الخاين الخسيس و العويل ،

وعمرك ما استنيتي منهم رد الجميل ،

 

وعلي شموخك يشهد الزمن ويعلنها التاريخ راسك مرفوعه وأبيه ،

 

واصفاكي رب العزة وده دورك وقدرك تكوني ام الدنيا و سند الكل قوية،

 

خاطرة ،،،

بقلم الكاتبة / دكتورة لبني يونس.

مقالات ذات صلة

زر الذهاب إلى الأعلى