الوعى للجميع

بقلم لواء دكتور مهندس/سامي دنيا 
لا لخونة الأوطان والمشككين
بى بى وحكاوى القهاوى
على مسئوليتى الشخصية
هام
■الحقيقة إن مؤتمر بى بى مع وزير الخارجية الأمر-يكى الجديد ماركو روبيو كانت فيه دلالات خطيرة جداً على مستقبل الإقليم كله مش القطاع فقط ، والمؤتمر كان على مستقبل إقليم كامل وليس القطاع فقط ، وخطة العمل المشتركة للطرفين هى إسقاط المشروع المصرى حتى قبل أن يُعلن عنه!!!
■لكن خلينا نبدأ من إن إللى يشوف التصريحات دى لا يمكن يصدق أن أطرافها عملوا إتفاق سلام من أسابيع قليلة جداً ، ويتأكد أن الإتفاق ده تم إنتزاعه منهم ، وأن شروط الإتفاق بالكامل مش فى مصلحتهم ولا بتخدم أهدافهم ..
■ المؤتمر كان لطرفين فى ورطة كبيرة ، والورطة دى سببها إللى مشغلهم ذات نفسه ، إللى مشغلهم عايز غز-ة بأى ثمن ، وهنا نبدأ نتفهم عظمة وقوة الفكر الإستراتيجى المصرى وقوة الفكر المستخدم فى هذه المعركة ، بل يمكن نقول أن الفكر الإستراتيجى المصرى فى المعركة دى بيبدع بشكل لم يحدث طوال التاريخ!!!
■الفكر ده إكتسب قوته من تحليل التاريخ وأسباب التوسع الأول والثانى لدولة الكيان ، وشاف أن الكيان قائم على أمرين مهمين لا غنى عنهم ، الأول إعلامى ويختص بنشر اللطمية والمظلومية والمسكنة ، والثانى تكتيكى عسكرى قائم على التغفيل والتدمير الممنهج والعمل خلف خطوط العدو، فى السلم والحرب ، ودايماً الشغل فى السلم بيهيئ الأمور للشغل العسكرى ، بحيث توصل لمرحلة المواجهة مشتت ومنهك وغير قادر على التركيز!!!
■ وندى_مثال ، فى التوسع الأول قسمت الأمم المتحدة فلسـ،، ـطين ، جزء عربى وجزء عبرى ، بعيد عن القرار صح أو غلط كان طبيعى توافق وتاخد أرضك وتعلن دولتك وبعدين تتشاكل ، إللى حصل كان العكس ، وكان الخصم بيعمل على إستفزاز المجتمعات العربية من جهة ، وخلق رأى عام محلى ضاغط جداً على الحكومة من أجل الحرب ، ثم إدعاء المظلومية من جهة أخرى!!!
■ع الورق تشوف ٦ واللا ٧ جيوش داخلين على جيش واحد بس فتتعاطف كمحايد مع الطرف الأضعف (وده فطرياً) ، مع العلم أن الجيوش الستة دول جايين بالشوم والنبابيت ، و٩٠ ٪؜ منهم أول مرة يمسك سلاح أصلاً ، والحكومات لا مخططة ولا مجهزة نفسها ، حتى موضوع الأسلحة الفاسدة لَمَّا تبحث فيه تلاقى أن الأسلحة ممكن جداً تكون سليمة بس الأفراد مش مدربين عليها أساساً ، لما تكون غير مدرب على سلاح بيبقى فاسد وبتؤدى بيه نفسك قبل عدوك ، وده إللى حصل بالفعل!!!
■ نفس_المشهد حصل فى التوسع الثانى ، فى حرب ٦٧ ، نفس الإستدراج ونفس الجبهة الداخلية الضاغطة والإستفزاز والضغط والدفع نحو المواجهة الغير مدروسة ولا مخطط لها ، جيش ثلثى قواته خارج مصر ، وحتى الأفراد إللى تم إستدعاؤهم مفيش تجهيز ولا تدريب ، وحتى الحليف والصديق طعنوك فى الظهر ، فكانت النتيجة الخسارة!!!
■ النهاردة بقى نقدر نقول أن الفكر المصرى فهم كل التفاصيل دى ، وبقى فى تجاهل كبير للمشاعر والأحاسيس فى إدارة المعركة ، الإعتماد أصبح على العقل والمنطق فقط ، الجاهزية طول السنة ، التدريب يومى ، معايير الترقية والتقييم للأفراد حديدية ، الإهتمام بمعركة الإعلام ، خلق سردية دولية تكشف إستفزازات العدو ، فلما شاف العالم السردية الحقيقية ، وإستخدمنا سلاح الإعلام ضدهم المرة دى ، ومبقاش فى عنتريات ولا كلام أصلاً للتعبير عن المواقف ، هو بيان صحفى فقط ، مفيش تهديدات ، مفيش أى إستخدام للغة العضلات ، أنت كده رميت الكرة فى ملعبهم ، وأصبحت المشكلة مشكلتهم هما مش مشكلتك أنت خالص!!!
■من المشكلة دى تفهم توتر روبيو ، تفهم توتر بى بى ، إرتباكهم باين جداً على الأرض ، قراراتهم متضاربة ، تحركاتهم عكس بعض ، جعجعة كلامية كبيرة بدون فعل على الأرض ، وكل ده وأنت لسه منزلتش الملعب ، واقع تكتيكى أصبح مستحيل فعلياً عليهم رغم أن الإعلام كالعادة بيوضح عكس كده ، ولأول مرة فى الصراع الطويل ده يرفض العالم كل سردياتهم ، لأول مرة تفشل لهم رؤية ، لأول مرة يبقى عندهم كل الشك ده وكل الخوف من التصعيد ، لأنهم لو مش خايفين كانوا نفذوا مباشرة!!!
■ نرجع_لتهديدات_بى_بى ، نلاقى أن كلها مرتبطة بسقوط كل الإتفاقات مش إتفاق الهدنة فقط ، إتفاق جنوب لبنان مهدد ، إتفاق السلام مع مصر والأردن مهدد ، كل القوانين والإتفاقيات فى المنطقة مهددة ، لكن هل التهديد ده حقيقى؟!!!
■ خالص ، دى فلفصة ، ترزيع عيال صغيرة ، يا تقبلوا التهجير يا هقتـ ،، ـلكم وأقـ، ـتل نفسى وأقـ، ـتل السكرتيرة ، يا تنفذوا الرؤية بتاعة تر.امب يا هولع فى المنطقة ، تقلق من التصريحات وتقول أستر يارب ، تبص على أرض الواقع تلاقيه شخص أليف جداً بيبعت وفد للتفاوض عادى جداً ، بينفذ الإتفاق زى الألف ، صحافتهم كلها بتندب ، وعلى صرخة واحدة ، هنواجه مصر إزاى!!!
■ تبص_على_أرض_الواقع تلاقى دولة درست وجهزت وفرضت رؤيتها ، ولا يهمها تر.امب ولا يفرق معاها بى بى ، دولة إستفادت من كل دروس التاريخ والجغرافيا وعلم النفس والإجتماع والسياسة والإقتصاد ، كله كله!!!
■ تبص_تلاقى_طاولة_دومينو متقفلة من كل إتجاه ، فى الحرب هتتضرب ، فى السلم هتتفذ إللى يتقال لك ورجلك فوق رقبتك ، فى جبروت مصرى غير واضح فى التعامل مع الأزمة ، فى قوة مصرية فى التعامل مع كل الفرضيات لدرجة إنك مش سايب لهم حاجة يختاروا منها ،قضى الأمر يا بى بى!
■ كلام_بى_بى_خطير وتهديداته فوق الكارثية ، لكن تاريخ الصراع بيقول إنه لما بتقفل باب الأوضة ويشوف النبوت ع الترابيزة بيسمع الكلام ، ده مش بى بى وبس ، ده إللى بيشغلهم كمان بقى بيدعو لحل الدولتين ، قمة اليأس بصراحة!
■الفكر الإستراتيجى المصرى حالياً بيعرف منفرداً فى المنطقة ، وجاهز بكل الأوبشنز ولكل الخصوم والأعداء ، وإللى عايز يجرب يقرب!!!
والحمد لله رب العالمين.
إحمدوا ربنا ….. وإذكروا الله كثيرا لعلكم تفلحون.