بقلم لواء دكتور مهندس/ سامي دنيا
حرب أوكرانيا
الجيش السودانى يتقدم والسودانيين يعودون
ليبيا الى الافضل وترتيبات العوده للسوريين تسير على قدم وساق
مصر وقيادة المنطقه هل عادت السعوديه لرشدها؟؟؟ ماصدقت يوم ترامب خرس واختفى قلت ألحق أطمنكم على ملفات تانى كتير مش لاحقة أتكلم عنها وكلها مهمه لمصر وشعبها وامنها القومى
حرب أوكرانيا : روسيا تتقدم بقوه و زيلينسكي يتخبط فى انتظار تصفيته او ازاحته
وترامب وضح الصفقه روسيا تحتفظ بما استقطعته من أوكرانيا مع اعطاء ضمانات كتابيه لبوتين بإبعاد الناتو عن حدود روسيا وتخفيف العقوبات الاقتصاديه
اما بالنسبه لأوكرانيا فقد فضحهم ترامب كالمعتاد واعلن ان اميركا ستأخذ المعادن النادره الأوكرانية وبالفعل تحتوى أوكرانيا على ٥٠ نوع نادر من المعادن اهمها الليثيوم والتيتانيوم واليورانيوم تمتلك منهم احتياطات عالميه هائله لذلك كانت أوكرانيا اساس صناعة الثوره النوويه والفضائيه والصاروخيه والطائرات والاسلحه المتقدمه للاتحاد السوفيتى كله …وترامب يقصد اخذ هذه المعادن باتفاقيات موثقه دوليه بمدد طويله جدا (( ويقصد ترامب نظير المساعدات السابقه)) وليس مساعدات جديده
وبوتين بالفعل امن لروسيا اكثر من ٦٨% من كل مناطق استخراج الثروات ضمن الاراضى التى استقطعها ويتقدم اتجاه مناطق (( ثروات اخرى بقوه هذه الايام )) ويعطل محادثات ايقاف الحرب حتى الاستيلاء على اكبر مساحات من الثروات الأوكرانية للحد الذى تباطأ الجيش الروسى فى تحرير كورسك الروسيه من التوغل الأوكراني لاعطاء الاهميه القصوى فى التوغل داخل مناطق الثروات فى أوكرانيا اتوقع ان يكون الحل وانتهاء الحرب الأوكرانية خلال ستة اشهر من الآن
الجيش السودانى يتقدم والسودانيين يعودون :
الجيش السودانى يتقدم بقوه كبيره ويستكمل تطهير الخرطوم مع سيطره كبيره تعود على ولاية الجزيره وغضارف والنيل الازرق وام درمان وبورتسودان وقريبا تنتقل العمليات الى دارفور
الجيش السودانى توفر له دعم كبير جدا جدا جدا (( من مصر وبوضوح ))
لاجدال استغلت مصر انشغال العالم كله فى الشو الاعلامى للمجنون ترامب المهووس اعلاميا لتأخذ مصر خطوات مصيريه هائله اتجاه ملف السودان مازالت مصر تواجه حتى الآن صعوبات كبيره فى توفير الانتقال وتنظيمه خاصة داخل السودان مع كثافة الاعداد التى تتدفق على الحدود البريه للعوده يوميا
وايضا معاناة توفير خدمات كافيه لهذه الاعداد حتى عبورها للداخل السودانى مايحقق ضغط كبير على الاجهزه والمحليات والجيش بالجنوب المصرى الذى يبذل جهود هائله لتيسير العبور والانتقال وسط توقيت حرج جدا مع تقديم الدعم القتالى على مساحات شاسعه للجيش السودانى (( ربنا يعينهم ويقدرهم))
اتصالات الزعيم المصرى جاءت بنتائج ممتازه حيث استجابت تشاد وافريقيا الوسطى وغانا للطلب المصرى باعطاء اولويه لعودة السودانيين من مصر اولا وبوعود تعاون مصرى خليجى لمعاونة هذه الدول فى أعباء اعاشة اللاجئين على اراضيها والتوسع معها فى مشاريع تنمويه كبيره يامسهل وربنا يوفق الجيش السودانى وابطالنا المصريين كثافة الرجوع حتى الآن طوعيه ولكن عشان نكون واضحين اول ماتقل كثافة الرجوع الطوعى هتتدخل مصر لطلب المغادره (( اسمها المغادره الجبريه)) هيفضل بس المستثمريين الحقيقيين الرئيسيين وطبعا قدامى السودانيين الحاصلين على الجنسيه المصريه فى الخمسينات والستينات ودول مصريين ابا عن جد فى الاساس
ليبيا :::: الى الافضل وترتيبات العوده للسوريين تسير على قدم وساق :
ليبيا التنميه بالتعاون مع مصر فى شرق وجنوب ليبيا تسير بشكل كبير جدا جدا جدا (( ماشاء الله )) والاستثمارات الليبيه تتدفق بشكل رائع وكبير لكن مصر لاتعلن عن اى شئ منها (( عشان ميتفتحش باب التضارب بين السلطات او ان سلطة الغرب تقوم بالمثل مع تركيا ومصر رفضت ذلك ))
تم اتخاذ خطوات وانشاء لجنه جديده لخطوات ترتيب الانتخابات (( نتمنى لهم التوفيق )) احنا اللى يهمنا التركيز على عدم انشاء بؤر او معسكرات ارهابيه او اى تواجد اجنبى يكون خطير على مصر او اقوى من قدرات الجيش الوطنى الليبى او قوات الامن الليبيه (( ومصر محافظه تماما على تفوق الشرق والجنوب فى ذلك ))
السوريين ::: وعودتهم ل وطنهم سوريا الجميله : طبعا زى ما انتم متعودين مباشرة مننا الحقائق ومصلحتنا بدون تزويق
ومن الآخر كده :: وزير الخارجيه المصرى كان فى تركيا فى نفس وقت وجود الشرع والاتنين قابلوا اردوغان (( الطيب الجميل الاصيل الحنين )) وطبعا الشرع اللى اردوغان اساس التدريب والتجهيز والسلاح والتمويل سعودى (( الطيبين اللى وقعوا بشار الوحش الشرير ))
الشرع توسل لاردوغان وباس ايده ورجله عشان يرضى يعمل قواعد عسكريه تركيه فى سوريا (( حد والنبى شاف قذاره اكتر من كده ))
بس احنا مالناش دعوه (( راح اسد الخارجيه فيها لانخفيها)) وانت يا اردووو فاكر قواعدك اللى سويناها بالتراب فى ليبيا وجزيرة سواكن السودانيه
طيب عايزين ايه يامصر ؟؟؟؟
اولوية رجوع السوريين اللى فى مصر لسوريا والاعمار اللى هتعملة السعوديه يشملهم
(( او متعملش اعمار خالص وهتسكنوهم مع اخواتهم فى الوطن ولا خيام ولا اى حاجه ده ميخصناش اولويه لاستقبالهم واسقاط اى تهم عليهم وخلاص تمام وكله وافق وفى لجان دلوقت هتبدأ تنظم ده وكمان منسمعش كلب عندك فى سوريا يجيب سيرة مصر تانى حاضر دى كانت غلطه واتلموا
مصر وقيادة المنطقه هل عادت السعوديه لرشدها؟؟؟ : فى السياسه مفيش حاجه اسمها رشدها والكلام العاطفى ده (( ايه ده مش انت اللى كاتب العنوان ؟؟؟ ايه اللخبطة دى ))
مفيش لخبطه ولا اى حاجه العنوان مكتوب مخصوص عشان احنا فى تقاريرنا … بنثبت مفهوم ان العلاقات بين الدول مصالح وفقط لاغير عشان نلغى اى تفكير عاطفى فى العلاقات الدوليه
مايخص السعوديه واختباراتها ده شعبها حر فيه وبالفعل الشعب السعودى كان خارب الدنيا (( لان العالم كله كان بيحفل عليه كل ماترامب بيجيب سيرة السعوديه والتريليون دولار وغيرها ))احنا كمصر عايزين استقرار فى المنطقه احنا كمصر زى اى دوله عايزين نجذب استثمارات (( مش عطايا ولامنح )) استثمارات نكسب وانتوا تكسبوا
اما اى خيانه او عماله او دعم لحميدتى فى السودان او سوق سوده للدولار او غيرها من الخطوات الخبيثه اللى اتاخدت قبل كده
(( دى مش هتتنسى وهيفضلوا يحاسبوا عليها فتره طويله جدا جدا جدا ))
وفى النهايه كل واحد ليه حجمه والوقت علم الجميع مصر محدش يقدر عليها واما بتحب تعلم على حد بتعلم عليه فى السودان واثيوبيا والبحر الأحمر وكل مكان
خاصة لو هو هاين نفسه وبيبوس الجزم لترامب زى ما اعلن مليون مره ترامب احنا بنحميكم لازم تدفعوا لذلك محدش يجروء يتكلم ولايرفع عينه تانى فى مصرى او فى مصر اللى عمرنا ماسمعنا ولا هنسمع جمله مهينه زى كده (( آخر ترامب بعد ما اتنطط زى القرد وخرب الدنيا رجع قال نفسى الجنرال السيسى يفتح قلبه ويفكر تانى فى الفلسطينيين ويستقبل منهم جزء ويلغى فكرة الرفض القاطع دى )) لكن سياسيا : مرحبين جدا جدا جدا بصفعات السعوديه لترامب والانضمام لاصوات العالم كله الرافض لموقف ترامب من غزه لكن يامصريين لايحك جلدك الاظفرك
ومصر مش بتعول غير على ربنا ثم على نفسها
كل الخونه دول وعلى رأسهم السعوديه سايبين مصر بطولها فى وش المدفع هيا والاردن الان من ١٦ شهر وكل حاملات الطائرات وكل الحشد (( ومصر زى الحديد موقعناش ولا سيبنا الفلسطينيين ثانيه واحده ولابعنا ولافرطنا وشرفاء احنا ورئيسنا وراسنا فى السما ))
مش تعرض علينا اميركا فلوس
(( والتمويل سعودى اسمه ايه ده ؟؟؟ ))
كل مخطط ابادة الفلسطينيين وتدميرهم فى رقبة السعوديه وقيادتها السياسيه ليوم الدين (( عشان تدفعوا هذا الكم من المال لاميركا الشيطان الاعظم واساس تدمير كل المنطقه ))
كده وصلت وجهة نظرنا وبوضوح ؟؟؟
يعنى فقط مصالح وناخد السياسه خطوه خطوه وكل خطوه منغصله عن التانيه
عادى جدا يطلعوا الصبح برساله هجومية والضهر يحولوا ١٠٠ مليار دولار
ولا يمولوا سقوط مصر او غيرها
(( يعنى محدش هيتغير الوحش هيفضل طول عمره كده مهما عمل حركه واللا اتنين كويسين هو وحش وهيرجع وحش وهيفضل وحش ))
ووحش دى شيلوها وحطوا مكانها كل اللى نفسكم فيه من معانى المهم احنا مش بنقول اطمنوا من فراغ ده علم وتاريخ بيتكرر وقياده سياسيه قويه عارفه بتعمل ايه ومعاها لجنة معاملة اطفال ومجانين عشان ترامب
فأطمنوا الامور باذن الله كويسه جدا وجنون ترامب ومقترحه جه بفايده والعالم كله طلع رد عليه وده ثبت اكتر ايقاف الحرب فى غزه وهيسهل تمويل المساعدات واعادة الاعمار على خير باذن الله
حفظ الله مصر وشعبها بخير وتقدم وأمان.
إحمدوا ربنا ….. وإذكروا الله كثيرا لعلكم تفلحون.
[: لكن يامصريين لايحك جلدك الاظفرك
ومصر مش بتعول غير على ربنا ثم على نفسها
كل الخونه دول وعلى رأسهم السعوديه سايبين مصر بطولها فى وش المدفع هيا والاردن الان من ١٦ شهر وكل حاملات الطائرات وكل الحشد (( ومصر زى الحديد موقعناش ولا سيبنا الفلسطينيين ثانيه واحده ولابعنا ولافرطنا وشرفاء احنا ورئيسنا وراسنا فى السما ))
مش تعرض علينا اميركا فلوس
(( والتمويل سعودى اسمه ايه ده ؟؟؟ ))
كل مخطط ابادة الفلسطينيين وتدميرهم فى رقبة السعوديه وقيادتها السياسيه ليوم الدين (( عشان تدفعوا هذا الكم من المال لاميركا الشيطان الاعظم واساس تدمير كل المنطقه ))
كده وصلت وجهة نظرنا وبوضوح ؟؟؟
يعنى فقط مصالح وناخد السياسه خطوه خطوه وكل خطوه منغصله عن التانيه
عادى جدا يطلعوا الصبح برساله هجومية والضهر يحولوا ١٠٠ مليار دولار
ولا يمولوا سقوط مصر او غيرها
(( يعنى محدش هيتغير الوحش هيفضل طول عمره كده مهما عمل حركه واللا اتنين كويسين هو وحش وهيرجع وحش وهيفضل وحش ))
ووحش دى شيلوها وحطوا مكانها كل اللى نفسكم فيه من معانى المهم احنا مش بنقول اطمنوا من فراغ ده علم وتاريخ بيتكرر وقياده سياسيه قويه عارفه بتعمل ايه ومعاها لجنة معاملة اطفال ومجانين عشان ترامب
فأطمنوا الامور باذن الله كويسه جدا وجنون ترامب ومقترحه جه بفايده والعالم كله طلع رد عليه وده ثبت اكتر ايقاف الحرب فى غزه وهيسهل تمويل المساعدات واعادة الاعمار على خير باذن الله
حفظ الله مصر وشعبها بخير وتقدم وأمان.
إحمدوا ربنا ….. وإذكروا الله كثيرا لعلكم تفلحون.
