بقلم لواء دكتور مهندس// سامي دنيا
بالمختصر المفيد
الخير قادم إن شاء الله
يارب الخير لمصر وشعبها
على مسئوليتى الشخصية
هام
ليه الخليج مينفعش يضخ تريليونات الدولارات فى مصر أو أى دولة إقتصادها صغير زى مصر ؟ هو فى بس عدم وعى ومعرفة إقتصادية عند الناس، بتسبب اللبس ده، فى فهم إستثمارات الخليج أو أى دولة فى مصر!!!
حجم الإقتصاد المصرى ضعيف جداً مينفعش يُدْخُل مثلاً ١٠٠ مليار دولار إستثمارات فى مصر (مفيش مجالات إستثمار تستوعب الرقم ده) ..
البورصة المصرية كلها بكل شركاتها = ٣ تريليون جنيه مصرى!!! لو دخل ١٠٠ مليار دولار = ٥ تريليون جنيه مصرى يعنى تقريباً ضعف حجم كل الشركات المطروحة فى البورصة سواء حكومة أو قطاع خاص!!! لَمَّا دخل مبلغ كبير جداً من الإمارات ٣٥ مليار دولار مصر عملت مشروع كبير جداً من الأساس عشان تقدر تستوعب ده!!! دول الخليج يملكون رأس مال كبير (لكن لا يملكوا أى إمكانيات تكنولوجيا أو صناعه أو إستثمار من أى نوع) بالتالى لازم يدخلوا فلوسهم فى إستثمارات قائمة وناجحة بالفعل!!! عشان كده الإمارات وهيا أشطر دول الخليج مدخلة مئات المليارات من الدولارات حول العالم، فى كل دول أوروبا والصين وروسيا ومصر وإفريقيا!!! لكن لَمَّا نيجى نتكلم عن الإستثمارات الأفضل بتكون مع الدول الكبيرة(المانيا ، فرنسا ، روسيا ، الصين ، اليابان ، الهند ، البرازيل، إيطاليا ، تركيا)!
دى دول بتضيف بالإستثمار للإقتصاد المصرى لأنها ببساطة لَمَّا تستثمر ٢ مليار دولار خلال سنة واحدة بتكون أنشأت مصانع عملاقة :
= شغلت مصريين ..= دخلت دولارات ..
= بتصدر وبتدخل دولارات بشكل مستديم ..
= وظائف ثابتة ..= بتنتج منتجات للسوق المصرى بديل عن الإستيراد ..
(دى دول عندها الماكينات / التكنولوجيا/ الإمكانيات الفنية للتنفيذ) ..الخليج لا يملك السابق كله بالتالى هما بيدخلوا إستثمارات طبقاً للحجم المتاح للإستثمار داخل مصر!!!
بخصوص_الكويت : المعلن كان يخص الكويت كدولة وصندوق سيادى كمرحلة أولى ..
لكن الأهم إن الحكومة الكويتية سمحت لرجال الأعمال الكويتيين الإستثمار فى مصر
شركة واحدة كويتية إستثمرت فى مجال السياحة والفنادق ٧ مليار دولار!!!
(أكتر من الحكومة الكويتية) فى مرحلتها الأولى ..حتى الآن دخل مصر خلال ٤ أشهر من الحكومة الكويتية ورجال الأعمال تدفقات بالدولار زادت عن ٥٠ مليار دولار!!!وده رقم كبير جداً جداً جداً ..وعشان كده الحكومة طول الوقت بتتكلم عن برامج طرح لشركات القطاع العام لصالح القطاع الخاص عشان تقدر تفتح أبواب واضحة لأكبر حجم إستثمارات يدخل
لإن مفيش دولة ولا مستثمر هيجى يدى الحكومة فلوس فى إيديها ويقولها إعملى بيهم إللى إنتى عايزاه (ده مش بيحصل أبداً)
فى عهد الرئيس مبارك كانت منح بتتقدم عبارة عن شحنات بترول أو غاز ..
مليار ولا إتنين دولار يسندوا الموازنة!!!
وبيعتبرونا شحاتين والبلد فضلت ٣٠ سنة ماشية كده، مش بتتقدم خطوه واحدة!!!
وكل دول الخليج دلوقت مش هيعملوا كده (ولا الرئيس السيسى) من الأساس عايز كده (عشان تفضل كلمة مصر حرة، ومحدش يتحكم فينا، يمنع أو يقطع عننا) ..
وحافظ برضوا على الخطاب السياسى المهذب والعلاقات الطيبة رغم إن إللى بيقرب جنب الأمن القومى المصرى بياخد فوق دماغه قولاً واحداً دون أى مواربة عمل لمصر قيمة ومعنى أعلى وأكتر من قبل كده بكتير (ده مش معناه إن مصر مكنش ليها قيمة قبل كده) ..
كان ليها قيمة بس تراجعت كتير جداً ..
والحمد لله نشكر ربنا النهاردة العالم كله بيعملها حساب وواضح ده جداً من الهجوم الهائل من الإدارة الأمريكية على مصر (إللى موقفة كل تحركات أمريكا/ الصهيونية العالمية
و الماسونية) فى الشرق الأوسط كله!!!
كده ممكن يكون وضح ليه تريليونات ممكن يستوعبها الإقتصاد الأمريكى الأكبر عالمياً أو الإتحاد الأوروبى أو حتى دولة عظمى زى ألمانيا فرنسا بريطانيا إيطاليا أو غيرهم!!!
ولكن مصر لسه شوية بإذن خلال سنوات قليلة على ٢٠٣٠م ممكن حجم الإقتصاد يوصل لإستيعاب الأرقام الكبيرة دى فى مجالات أكتر زى الصناعه أو الزراعة ..
حالياً مصر بتقدر تستوعب مليارات كبيرة فى مجال الطاقة النظيفة!!!(طاقة شمسية ، طاقة رياح ، هيدروجين اخضر ، …) وتنقيب بترول أو غاز!!! ودول بيدخلهم سنوياً إستثمارات مش أقل من ٥٠ إلى ١٠٠ مليار دولار لكن الفلوس دى بتتصرف على تكلفة العمل والمعدات (وبتشغل أعداد قليلة جداً فى مصر) ومعداتها كلها لا تصنع داخل مصر برضوا ده شق تانى مش بنستفيد منه!!!طبعاً بترجع فوايد على مصر بعد ٣ أو ٤ سنين لما يبتدى الإنتاج!!!
الأهم إننا نكبر فى الصناعة والزراعة بإذن الله هيكون حصل على ٢٠٣٠م لو فضلنا على خير مستقرين وبنكمل عمل وشغل على نفسنا كبلد!!! بدون إنزلاق فى حروب أو صراعات أو عدم إستقرار!!! وكان ممكن نوصل قبل ٢٠٣٠م لو دول الشر كانت سيبانا فى حالنا ومفيش علينا حرب الدولار ولا الحروب الإقتصادية الطاحنة دى ولا حدودنا والحروب إللى محيطة بمصر من كل جانب دى وإحنا الحمد لله إننا قادرين نصمد ونبعد عن الانطلاق والتورط فى أى صراع!!! وقادرين نكمل بناء وجذب إستثمارات!!! وقادرين نحقق وهنكررها تانى ونسد قسم هائل من ديون مصر زى ال ٤٠ مليار دولار فى مفاجأة ٢٠٢٤م .. وباذن الله يقينا ثم بالعلم والعمل والواقع الحالى على الأرض ومعلومات مؤكدة الجاى أفضل وأحسن وأجمل (وكل الهيصة والتوتر اللى حوالينا هيهدى ويتحل) إطمنوا مصر قوية جداً بإذن الله وعلى أرض صلبة (وخير كتير جاى من كل مكان) ..= حتى من السودان (ذهب) ومن ليبيا (بترول وغاز) ربط تم الحمد لله على ميناء جربوب .. غير ترسيم الحدود البحرية وحجم إستثمارات كبير جداً فى مشاريع البنية التحتية شرق وجنوب ليبيا (شركات ومصانع وعمالة مصرية بيكسبوا ويكسبوا مصر) ..وأخيراً مينفعش حد جاى يستثمر نقوله هات كمان، ولا ليه أنت بتستثمر كل ده فى أمريكا أو غيرها
(شغلنا ومجالات الإستثمار وقوتنا السياسية والإقتصادية وإستقرارنا هو أفضل جذب للإستثمارات) ..وقوة مصر وحصن مصر وسندة مصر للجميع هيا إللى بتجيب الخليج لمصر مصر مبقتش بتشحت ولا هتشحت من حد (أياً كان ولأى سبب) ..
حفظ الله مصر وشعبها بخير وتقدم وأمان.
الحمد لله رب العالمين
إذكروا الله لعلكم تفلحون.
