الوعى للجميع

بقلم اللواء الدكتور سامي دنيا

تشرشل قال

إذا مات العرب ماتت الخيانة

على مسئوليتى الشخصية

هام

■بصوا هقولكم حاجة عميقة شوية ويارب توصل صح ، المنطقة دى على مدار التاريخ مجابهاش ورا إلا الخيانة ، لدرجة إن ونستون تشرشل لما سألوه عن العرب قال “إذا مات العرب ماتت الخيانة” ..

■ولو بصينا على كل الهزائم التاريخية هنلاقى وراها خيانة تاريخية برضو!!!

▪︎يعنى سقوط المماليك العظام كان وراه خاير بك وجان بردى الغزالى!!!

▪︎سقوط الخلافة العباسية أمام التتار كان وراه خيانة الوزير الأعظم!!!

▪︎ونكسة ١٩٦٧ كان وراها الكل!!! وكلكم عارفين.

▪︎إحتلال مصر من بريطانيا كان وراه الخديوى توفيق والخليفة العثمانى!!!

■يعنى من الآخر كده ، لن يتجرأ عليك أعداء الخارج إلا بخونة الداخل ، من غيرهم محدش هيقدر يقرب منك أصلاً!!!

■لو مشينا ورا الخيانة هنلاقى ليها سببين رئيسيين ، الأول غياب الإحساس بالأمان بشقيه المادى والمعنوى ، وده مش لازم يكون إحساس حقيقى ، ممكن يكون معاك مليار جنيه بس مش حاسس بالأمان عادى جداً ، والثانى هو الإحساس بالأفضلية وإللى فى ٩٩٪؜ من الحالات بتكون أفضلية وهمية مش حقيقية!!!وممكن يكون احساسك بالدونية ونفسك تكون حاجة وتكون انت الكبير …. الخ.

نفسنة يعنى او معندكش تاريخ وعاوز يبقى لك تاريخ او معندكش قوى ناعمة وعاوز تخلق لك هذا بالمال بقلة القيمة بأى شىء ….. الخ.

■لما بحذركم من الخدامين ومن المركوبين إعلامياً بيكون سبب التحذير النقطة دى ، الخدامين بطبيعتهم عندهم إحساس بالأفضلية الوهمية ، والمركوبين إعلامياً بيكون عندهم الاحساس بعدم الأمان ، فالنوعين دول هما النوعين إللى عندهم إستعداد للخيانة ، وقت الجد متعملش حسابهم لإنهم هيكونوا مع الناس التانيين!!!

■خًدَام من الخدامين الكتار إللى حوالينا بيقولك كانوا بيلموا لمصر فلوس فى ٢٠١٣ ، وإحنا ناس عندنا أصل ومش هننكر ، حصل ، لكن إللى مقالوش الخَدَام الكبير هو أن تَحَكُم الاخوان فى مصر كان معناه إنهيار الخليج بالكامل ، القصة مكانتش جدعنة وبس ، لاء يا حبيبى ، كانت جدعنة + دفاع متقدم عن النفس ضد جماعة كانت توغلت وكبرت وتعملقت ووصلت بالفعل لمرحلة تهديد الخليج بالثورات!!! والعروش اهتزت ايوه اهزت والدنيا اتبرجلت والدنيا خافت واترعبت بس.

■وقفوا ضد الغرب عشاننا؟! ، أيوه حصل ، بس ليه ، لإن الإخوان فى ٢٠١٣ هما إللى كانوا ع الحِجْر ، هما الفَرس الكسبان ، الكارت إللى هيقش كل الورق إللى ع الأرض ، وكان الإتصال مباشر بينهم وبين هيلارى كلينتون عن طريق سكرتيرتها هوما عابدين الماليزية الأصل ، وكانت طلبات الإخوان أوامر عند إدارة أوباما!!!

■طبعاً الكلام ده كان أيام ما كانت قطر دولة معادية ، وكلنا قاطعناها ، فاكر يا خَدَام ولا نسيت؟! ، أيام ما كان رجب عدو إستراتيجى للخليج بإعتباره القائد الأعلى للإخوان فى العالم ، وقتها طلعت قناة العربية فيلم تسجيلى بعنوان “سفر برلك” عن الجرائم العثمانية فى شبه الجزيرة العربية ، بس أنت إللى بتنسى يا عمور 🤡 ..

■مصر ردت الجميل؟! ، حصل ، مرة وإتنين وعشرة ، ورئيس مصر بنفسه شكر دول الخليج مرة وإتنين وعشرة ، وشكرهم لدرجة كانت بتزعج بعض المصريين أحياناً!!!

■خَدوا حق الفلوس إللى دفعوها؟! ، حصل برضو ، وكانت ليهم أولوية فى العقود والشراكات الإستراتيجية ، وإللى دفع فى مصر دولار خد قصاد منه ١٠٠ دولار ، وإللى حط فى مصر جنيه لَمُه ١٠٠٠ جنيه ، بدليل إن عندكم بدل العرض ١٠٠ لدخول السوق المصرى ، بدليل إنكم بتعطلوا دخول أى منافس ليكم فى مصر ، وإستحملنا مفاوضات مرهقة وتعطيلات لأسباب تافهة وقولنا حقكم ، وضغطنا على روحنا وعلى شعبنا علشان نسدد ديون ماتجيبش حق الشاى والسجاير إللى طفحتوهم لترامب!

■يعنى من الآخر كده يا خَدَام ، إللى بيخدم مصر بيخدم نفسه ، مصر لو وقفت الكل بيقف معاها ، لولا حرب اكتوبر وإنتصار مصر فيها مكانش حد فكر أساساً فى البترودولار ، وأنت عارف يا خَدَام يعنى إيه بترو دولار للى مشغلك ، لولا جيش مصر وثورة ١٩٥٢ وحرب اليمن كان زمانكم لسه تحت الإحتلال الإنجليزى لحد دلوقتى ، ودى حقائق تاريخية لا يملك أحد نفيها أو تجاهلها!!!

■عايز أَطَوَل أكتر من كده لكن خلاصة الكلام ده فى سطرين بس ، إللى حاسس إنه أفضل من مصر يتفضل يمشى ، محدش رابط حد فى البلد ، تأشيرة لذيذة وبلاد الله واسعة ، إللى عنده شعور بعدم الأمان يتعالج ، إحنا مش ملزمين أبداً نتحمل نتيجة مرضهم النفسى ونكرر دورة التاريخ مرة تانية!!!

■إحنا بنكتب تاريخ ومش فاضيين ، إللى مش قد كتابة التاريخ يقعد فى بيتهم!!!

■وصل الكلام يا خدام يا رخيص ولا لسه؟!!!!!!

وحسبنا الله ونعم الوكيل فى كل خدام قليل الضمير وتحيا مصر حبيبتي والحمد لله رب العالمين…… نحمد ربنا ….. وإذكروا الله كثيرا لعلكم تفلحون.