حصريا: الصدمة الزلزالية فى الهند والقلق فى الكيان والربح فى الصين والاطمئنان فى ام الدنيا المؤيدة من السماء.

بقلم لواء دكتور مهندس// سامي دنيا
=========================
🔴 الهند دلوقتي بتمر بصدمة عسكرية غير متوقعة، بعد ما تكبدت بعض من أسوأ الخسائر الجوية في تاريخها…
والسبب؟ باكستان لأول مرة استخدمت طيارات حربية ووسائل دفاع جوي صينية في أول معركة جوية بينها وبين الهند… والنتيجة كانت نجاحها في اسقاط 5 طيارات اشترتها الهند من الغرب ومن روسيا، وتعتبر من ضمن أغلى وأقوى الطيارات في العالم!
⚫️ الضربة دى فضحت التكنولوجيا العسكرية الغربية بالكامل، ورفعت راية السلاح الصيني في العالم كله، ووقعت أسهم شركات الدفاع الغربية.. ومش بس كده.. دي كمان قلبت موازين التفوق العسكري والجوي في الشرق الأوسط كله، وتحديدًا ما بين ام الدنيا والكيان !
طب إيه اللي حصل بالضبط، وازاي الحرب بين الهند وباكستان رفعت أسهم شركات الدفاع الصينية، وازاي اللي حصل خوف الكيان نفسه؟ الهند أطلقت عملية عسكرية جوية ضخمة اسمها “سِندور”، استهدفت بيها معسكرات قالت إنها بتضم إرها..بيين جوه باكستان.. وفي خلال دقايق، طلعت الطيارات الحربية الهندية وقص…فت مواقع في كشمير وجوه باكستان نفسها بجوار “مظفر آباد”، باستخدام طيارات الرافال الفرنسية وسوخوي وميج الروسية، ودرونات هير..ون الخاصة بالكيان ……
الهجوم كان سريع، عني..ف ، واستخدموا فيه صواريخ SCALP الأوروبية وقنابل دقيقة التوجيه… وبالفعل نجحوا في قص..ف بعض المواقع، ونتج عن ده سقوط حوالي 26 ضحية في باكستان، منهم طفلة عندها 3 سنين، ده غير جرح 46 آخرين، حسب آخر الإحصائيات من وكالة CNN…
🟢 بس المفاجأة بقى واللي الهند مكانتش متوقعاه؟ إن ولا طيارة من الطيارات اللي قامت بعملية القص..ف دي، رجعت تاني!
باكستان أعلنت بعدها بشوية إنها نجحت في إسقاط 3 طيارات رافال، وطيارة ميج-29، وطيارة سوخوي-30، وكمان طيارة مسيرة من نوع هير…ون الخاصة بالكيان … وعايز أقولك ان كلهم طيارات من أقوى وأغلى الطيارات اللي عند الهند، واللي كانت بتعتمد عليهم كركيزة أساسية في تفوقها الجوي!
🟡 وبالمناسبة عشان تبقى فاهم، ف دي أول مرة في التاريخ طيارات “رافال” تسقط في مواجهة مباشرة..وانا فى رايي المتواضع ممكن يكون ضعف فى مستوى المستخدم اى الطيارون الهنود….او فى اختراق لانظمة الطائرة سيبرانيا او ما شابه ذلك.
والمفاجأة الأكبر؟ إن السلاح الباكستاني اللي أسقطهم مش طيارات F-16 الأمري..كية، ولا بطاريات دفاع جوي روسي… لأ، ده سلاح صيني 100%!
1️⃣ باكستان استخدمت منظومات دفاع صيني متطورة زي HQ-9B وHQ-16 و LY-80
2️⃣ واستخدمت كمان طيارات صينية متطورة من نوع J-10C وJF-17 Thunder ، من تصنيع شركة Chengdu Aircraft العسكرية الصينية!
🟠 والمذهل أكتر؟!
مفيش ولا طيارة صينية وقعت من باكستان.. ومخسرتش ولا بطارية من بطاريات الدفاع الجوي الصينية بتاعتها!
🟣 وأول ما الأخبار دي وصلت للإعلام بقى، حصل زلزال وعاصفة في أسواق الأسهم الغربية والصينية محدش كان متوقعها…
في خلال ساعات قليلة، أسهم شركة Dassault Aviation الفرنسية، اللي بتنتج طيارات الرافال، نزلت بنسبة 1.6% في نفس اليوم في بورصة باريس… والمستثمرين بدأوا يشككوا في كفاءة الطيارة اللي كانوا بيعتبروها “مفخرة أوروبا”، وأقوى مقاتلة جيل رابع في العالم…
وفي المقابل، شركة Chengdu Aircraft الصينية اللي بتصنع طيارات الـ J-10C، ((صورتها اللى فوق ))فعلا أسهمها طارت لفوق بنسبة 18% في يوم واحد بس! وده أعلى معدل صعود ليها من شهور!
🔵 وبحسب تقارير من Bloomberg وNikkei اللي حصل ده خلّى العالم يبص للصين بشكل مختلف… مش بس كمصنع سلاح، لكن كدولة بقت بتصدر منظومات قتالية قادرة تنافس، بل وتتفوّق، على طيارات الجيل الرابع الغربية اللي كانت راعبة العالم كله، وكل الدول بتشتريها عشان مفيش غيرها ينفع يتسلحوا بيه.. وبسبب ده بيضطروا يرضخوا لشروط الغرب وأمري ..كا المجحفة!
يعني باختصار: العركة قامت بين الهند وباكستان.. بس الرابح الأكبر كان الصين!
======••==••••••••===•••••••===
🟠 طب هو إيه علاقة ام الدنيا بكل ده؟!
🔴 المفاجأة الصادمة، هي إن نفس منظومات الدفاع الجوي الصينية دي ممكن تكون موجودة في جيش ام الدنيا بالفعل!
آه والله ممكن جدا …..منظومات HQ-16 وLY-80 وممكن يكونوا بقالهم فترة كمان هما ومقاتلات صينية بردو من نفس الأنواع اللي عند باكستان!!!!
وعايزك انت تتخيل معايا ان مقاتلات الـ JF-17 الصينية اللي تمنها 20 أو 25 مليون دولار دي، أثبتت قدام العالم كله دلوقتي انها قادرة تعمل اللي ماقدرتش عليه طيارات بتمن 100 مليون، وكمان تتفوق عليها وتهزمها في عركات جوية مباشرة!
⚫️ الموضوع ده عامل قلبان في الميديا الخاصة بالكيان والغربية من امس ، والأمر وصل لإن الكيان بنفسه اشتكى للصين، وقال إن تصدير الأنظمة دي لام الدنيا بيمثّل “تهديد مباشر لتفوقها الجوي”… وده يعتبر اعتراف رسمي بخوفها من أنظمة الدفاع الجوي لام الدنيا الحالية! يعني اللي حصل ده مش مجرد تفوق تكتيكي بسيط من باكستان… ده لحظة فارقة خلت الصين تقف على قمة سوق السلاح العالمي، وتعيد تشكيل موازين القوى في الشرق الأوسط!
🔵 والأهم من ده كمان ان الصين من كام يوم عملت مناورات عسكرية وجوية رسمية مع ام الدنيا ، ولأول مرة في التاريخ ظهرت فيها مقاتلات صينية بتتحرك وتناور فوق اهرامات ام الدنيا ! المناورة دي اسمها كان “نسور الحضارة 2025”.
🟢 فهل دخول الصين في معادلة الشرق الأوسط هيخلينا نشوف توازن وردع من نوع جديد ضد الكيان وامري..كا وحلفاؤهم الغربيين؟
هو ده السؤال اللي إجابته هتحدد مستقبل المنطقة كلها……
يبدو ان النظام العالمى الجديد حاليا فى المخاض الاخير وشارف على الانتهاء من الولادة الحقيقية ولا تنازل عنه ولا عودة للوراء ، واصبح قاب قوسين من الظهور الحقيقى فى الكوكب رغم انف امري..كا والغرب ليصبح امر واقع وعلى الكوكب كله الاعتراف بذلك…… دعونا ننتظر قليلا …… ونستمر نحمد ربنا ….. وإذكروا الله كثيرا لعلكم تفلحون.