حصريا : لماذا نقول من 18 شهر اطمنوا وإهدوا مصر مستعدة بكل شىء لأى شىء وهناك سينريوهات كثيرة .

بقلم لواء دكتور مهندس //سامي دنيا 
==========================
*تمثيلية ضرب الحوثيين (( الهزليه ))
*غباء التكرار لتطويل الحوار فى بث كل يوم لشهور(( تهجير الفلسطينيين لسيناء ))
حمى اللايك والشير بتدمير نفسية وأعصاب الغير
*كيف نهدأ مع زحام الأخبار (( وكلها غم ؟؟))
============================
تمثيلية ضرب الحوثيين (( الهزليه )) :
ببساطه لاحسم لمعركه دون قوات بريه على الارض …تم مسح غزه بكل مبانيها بضرب وقصف مستمر وقوات على الارض طوال مايقارب عامين ..غزه مساحتها تعادل ميناء الحديده بمرافقه لا اكثر ولا اقل.. اذا الحوثيين يحتاجون ١٠٠ عام قصف جوى حتى يتم السيطره عليهم بالقصف الجوى فقط
اذا هى حرب مسرحيه خاضها ترامب ظنا منه انه يبعث رساله لايران تساعد على تقدم المفاوضات …وايران تترك الميدان مفتوح ومستمر ضمن نفس المباراه ..وإسرائيل تقوم بضربه الآن فى إطار مسرحى ليقول نتنياهو اننا امام حرب وجود (( بعد ترك صاروخ حوثى ))
يسقط بمحيط مطار بن جوريون دون اى خسائر مؤثره كالمعتاد …تمثيلية الحوثيين يحقق منها الجميع اغراضه : ترامب يعرقل طريق التجاره الرئيسى بين الصين وأوروبا وعودة طريق الحرير..ترامب يضغط على مصر بتعطيل قناة السويس للضغط لقبول فلسطينيين(( بسيناء )) ترامب يضغط على مصر بقناة السويس لفك الارتباط مع الصين وروسيا فى افريقيا ..نتنياهو يخلق جبهة حرب جديده ليظل يتغنى بأن إسرائيل فى حرب وجود تحارب على ٧ جبهات= غزه =الضفه
=لبنان =سوريا=العراق= ايران= اليمن
ليظل نتنياهو فارضا حالة الطوارئ وباقيا بالحكومه…ومصر تعى جيدا التمثيليه وترفض كل عروض محور الشر ولاتنزلق معهم وتعلم جيدا حجم التكلفه الهائل الذى يستنزفون فيه (( حتى وان كانت من خزائن الخليج ))
ستنتهى الحرب مجبرين فى كل الجبهات دون استثناء إذا فالنتابع بهدوء
============================
غباء التكرار لتطويل الحوار فى بث كل يوم لشهور(( تهجير الفلسطينيين لسيناء )) حمى اللايك والشير بتدمير نفسية وأعصاب الغير :
كل يوم كالمعتاد بث بالساعه كله بيتكلم دايما عن اخبار الساعه من إسرائيل واميركا
طيب فين الأخبار من مصر على سبيل المثال ؟؟ طيب مفيش ولامره اخبار عن اقتصاد او استثمارات ؟؟ طيب من بداية حرب غزه وطوفان الاقصى ٧ اكتوبر
عام ٢٠٢٣م ونفس الناس بتتكلم عن نفس الموضوع تهجير اهل غزه لسيناء ومصر هتدخل حرب مع إسرائيل ومن وراها كل الدول الغربيه ..طيب بذمتكم؟؟؟؟ فى حد نفسيته تتحمل كل يوم الضغط النفسى السلبى ده ؟؟؟
تعالوا بالعقل نفكر سوا : لو الرئيس عايز يحشد الشعب ويجهزه لحرب هل كان هيقول اطمنوا ؟؟ محدش يقدر يلمس مصر ؟؟ ولا الطبيعى هيخرج يسخن الناس ويحفزهم؟؟
الرئيس اما حب يقدم رساله شعبيه لترامب رافضه لمقترحه فى تهجير الفلسطينيين (( مش لمصر لا التهجير من الأساس )) مش وجه الشعب للنزول وكمان الحشد (( المنظم )) بعشرات الالاف على معبر رفح
وبالملايين بعد صلاة الجمعه وبعد صلاة عيد الفطر ؟؟ اذا قولا واحدا الكلام اللى بيتقال عن حشد الشعب المصرى ده يتناقض مع توجهات الدوله الفعليه والحقيقيه
وايضا قولا واحدا علميا : دى حرب نفسيه من اسوأ مايكون بتصدر طاقه نفسيه ودى مش بتخفز ولا بتحشد ولا بتقوى الهمم والعزيمه
دى بتهدم وتكسر النفسيه وتدمر الجهاز المناعي وتحبط وبالتالى انا بكسرك من جواك كل يوم ورا يوم لغاية ما أخلص عليك نفسيا وذهنيا وصحيا وبدنيا ..وقلنا اسوأ السيناريوهات مش جديد وحصل بالفعل واجتاح الفلسطينيين الحدود ودخلوا سيناء وانتشروا فيها لغاية العريش وحماس قتلت ضباط وجنود مصريين من حرس الحدود والشرطه عام ٢٠٠٨م ..ومن وقتها ومصر وضعت سيناريوهات صارمه للموضوع ده
يعنى برضوا نريح اعصابنا لان أسوأ سيناريو معمول حسابه بشكل جذرى..وليه اكتر من خطه ورد فعل كل خطه طبقا لحدود مايحدث اتجاه الحدود مع غزه ..يعنى برضوا تطمنوا وتسيبوا الموضوع بثقه تامه لقيادتكم السياسه ورئيسكم الشريف المحترم لاننا كلنا متأكدين لو عايز يسمح بالتهجير مكنش وقف ضد ترامب ولابايدن ولا إسرائيل ولا العالم كله من ٧ اكتوبر عام ٢٠٢٣م لغاية دلوقت (( نسيب القياده والجيش والمؤسسات تشوف عملها ))
وأما ياسيدى يحتاجوا الشعب هيلاقوا ١٢٠ مليون مقاتل جاهزين يفرتكوا ويحرقوا ومسحوا اى معتدى على ذرة تراب من مصر من فوق وش الأرض …فلو سمحتوا هونوا على نفسكم واستريحوا وكفايه ضغوط حياتكم الطبيعيه متزودوش ضغط (( وهمى )) عليكم بدون داعى اطمنوا بثقه مش اى كلام ..ايا كانت الظروف مش محتاجه تدمير نفسى بلامبرر
وبدون داعى واحنا بنتابع كل حاجه على مدار اليوم وكل ثانيه…على الأرض والحقيقه مش خبر ونشرة اخبار.بقول اهه الحقيقه مش خبر ونشرة اخبار ..بنتابع معلومات مؤكده مش تحليلات تحتمل الخطأ والصواب..بنتابع قرارات تؤخذ مش تخمينات وتنبؤات
ومتقلقوش كده كده تقريرنا بيخليكم معانا خطوه بخطوه ثانيه بثانيه فى حقيقة مايدور فى كل مكان فى العالم (( طالما بيأثر على مصر وشعبها وامنها القومى )) وعمرنا ماضحكنا ولاهنضحك عليكم فى حرف .اذا فالنتابع بهدوء
============================
كيف نهدأ مع زحام الأخبار (( وكلها غم ؟؟)) :
ببساطه ممكن ١٨٠ ثانيه (( ده وقت مرور كل الأخبار فى شريط الأخبار على قناة القاهره الاخباريه )) مره ولا مرتين فى اليوم
كده هتكون حدثت كل معلوماتك سياسيا واقتصاديا ورياضيا ..ولو هتفتح فيس افتح ٣ مواقع ورا بعض : = المتحدث الرسمي لرئاسة الجمهوريه = المتحدث العسكرى = الصفحه الرسميه لوزارة الداخليه (( برضوا هتاخد ٥ دقايق مش اكتر ))…دايما فى كل الأخبار اركز على حاجتين فقط لاغير : = مصر مش هتدخل صراع (( كده تمام التمام )) = فى استثمارات او ايجابيات فى الاقتصاد (( كده زى الفل ))
الباقى كله حشو مالوش اى لزمه ومش هيفيد اى حد فينا فى اى حاجه (( لان فى متخصصين فى كل حاجه بيتابعوا اللى يخصهم ))
عرفتوا ليه بنقول إطمنوا ولا لسه ؟؟
حفظ الله مصر وشعبها بخير وتقدم وأمان.
نحمد ربنا …… وإذكروا الله كثيرا لعلكم تفلحون.