بقلم لواء دكتور مهندس// سامي دنيا
===========================
ده اول إعلان (صيني) عن قدرات طائرة الإنذار المبكر اللي تم استخدامها في مناورة نسور الحضارات بين القوات الجوية المصرية والصينية خلال الشهر الحالي ، واللي عملت صدمة كبيرة لجيش الكيان باعتبارها كشفت كل أسرارهم وحللت خططهم وكشفت كل قطعة سلاح عندهم فين وبتعمل ايه كمان
المهم ان تغيير الخطط دي مش اجراء سهل ، ده اجراء معقد وبياخد وقت ومجهود وتكلفة كبيرة ، الطائرة دي قادرة على كشف كل قوات العدو في نطاق ٣٠٠ كيلو متر ، وخصوصاً الطائرات اللي بتتكشف بشكل كامل سواء اماكن تواجدها أو اقلاعها أو تسليحها ، وده سبب رد الفعل الكبير والصدمة الكبيرة اللي عند اعلام الكيان من المناورة دي بالتحديد
اظن حتة سلاح حلوة ومهمة وتستاهل ، احنا جرّبناها اهو ، واحنا عايزينها بشنطة هدومها ، التكنولوجيا والتصنيع علينا احنا ، والله ما انت مكلف نفسك ، خير البر عاجله بقى ، نقرا الفاتحة بقى يا عم شي ……
كلنا يقرأ الفاتحة بالتوفيق والسداد للجيش المصرى الرشيد فى كل مسعاه ……. نحمد ربنا …… وإذكروا الله كثيرا لعلكم تفلحون.
