أشعار .. حسن على الخطيب .
أنا لسه واقف على رجلى ويادنيا ما جبتيش أجلى
صحيح بقيت مهدود الحيل من كتر شيل الهم وشيل
حمول تقيلة تهد جبال وما املكش جاه ولا صيت ولا مال وعلى قد حالى لكن يكفينى إن ربى مراضينى ومش ناسينى وإن رزقى نضيف وحلال .
أنا لسه عايش وما موتش أنا لسه بدى وما حوشتش
ما انكرش إنى بقيت خواف ومن الخيانة والغدر بخاف ومن الصحاب البياعة ومن المظاهر الخداعة
ومن الدنيا وشر قلبتها والناس الوحشة من جوة
لكنى لسه على وضعى وبدور على راحة البال .
