بقلم لواء دكتور مهندس// سامي دنيا
======================
حادث قام به شاب لاتيني غير مسيس ومالوش سوابق جنائية ، محبش حد يبرر لاي جريمة ، لكن ما حدث جرس إنذار لمن يهمه الأمر ، الموضوع مبقاش ضد سماح ولا عملية إنتقامية ولا تهجير ، الموضوع بقى ضد الإنسانية كلها ، والنوع ده من الحوادث مش اول مرة يحصل ، وطول ما الجنان ده شغال توقعوا المزيد من اصحاب الضمائر الحية ،
القول بانهم هما اللي عملوا كده لاستعادة التعاطف الدولي والعيش في دور الضحية مش هيفرق كتير ، وبالمناسبة هما ليهم سوابق كتير في الاطار ده ، وكان منهم عندنا في مصر فضيحة لا،،فون في الخمسينات اللي اكتشفت بالصدفة البحتة ، وكانت عبارة عن مجموعة من العمليات اللي قاموا بيها ضد املاك ومصالح اولاد العم في مصر لاجبارهم على الهجرة ، الناس مكانتش عايزة تمشي وامورها تمام في مصر فقالك لاء ، نستهدفهم لحد ما يقولوا حقي برقبتي
وللعلم ، هما في كل اللي بيعملوه ده مقتنعين انهم ضحايا مش معتدين ، تركيبتهم النفسية كده ، زيرو تعاطف ، زيرو إحساس بالاخر ، زيزو سلام نفسي او روحي ، احساس مستمر وغير مبرر بالخطر ، هما عايشين بقاعدة (لو معملتش هما هيعملوا) ، وبالتالي مظنش انها هتفرق ان كانت مدبرة ولا لاء!
جنرال عندهم ورئيس حزب سياسي قالهم أصبحنا مكروهين من جميع الامم ، لا توجد دولة عاقلة تقـ،،ـتل الرُضع وتجبر شعب كامل على مغادرة أراضيه ، نقطة ومن اول السطر .
