مجنون الكيان يلعب بالنار 

بقلم اللواء الدكتور سامي دنيا

الوعى للجميع

على مسئوليتى الشخصية

هام

■ هو_رئيس_وزراء_الكيان ناوى يورّط ترامبو فى حرب تشعل الشرق الأوسط كله و أيضاً الكيان ؟

■ ولّا_ترامبو هيفوق ويبعد عن مغامراته؟!

■ المجنون الكيان بيلعب بالنار ، وبيحاول يزق أمر… يكا لحرب مع الفرس!!!

■ وسيناريو_تانى بيحاول فيه يوسّع عملياته فى القطاع عشان يخلص على كل حاجة، ويعمل واقع جديد بالسلاح والتهجير، بس المرة دى الأمور مش ماشية زى زمان!!

■ ترامبو صحيح بيقول كلام كبير عن دعم الكيان ، لكن لما دخل فى مفاوضات مع الفرس عشان البرنامج النووى ، رئيس وزراء الكيان إتجنن!!!

■ والأخبار_الآتية من الكيان نفسها قالت إن رئيس الوزراء محبط من ترامبو ، لأنه بيقول إللى بيطمنه أمام الإعلام، لكن على الأرض مفيش دعم عسكرى حقيقى للضربات إللى هو عايزها ..

■ ده_غير_إن_بايدن قبل كده كان بيحاول يلم الدور، وترامبو شكله مش ناوى يكرر نفس الغلطة بتاعت العراق ، خصوصًا بعد ما الرأى العام الأمريكى بدأ يتعب من الحروب إللى بتكلفهم ترليونات ومفيش منها عائد ..

■ يعنى_بإختصار… رئيس وزراء الكيان عايز حرب كبيرة تغطّى على فشله الداخلى وتخليه يهرب من أزماته، بس ترامبو بيفكّر بعقل تاجر… عايز يكسب شعبية، مش يخسرها فى مستنقع جديد ..

■ وهنا_ييجى_السؤال_الأهم: إحنا فين من ده؟

■ مصر_مثلًا، أى تصعيد فى القطاع أو تهجير للفلسط… ينيين ناحية سيناء معناه تهديد مباشر لأمننا القومى ..

■ والخليج؟ لو إتفتحت جبهة مع الفرس ، فالسعودية والإمارات والبحرين هيبقوا أول المتضررين، لأن الرد مش هيكون سياسى… الرد هيكون بالصواريخ ..

■ يعنى_المنطقة_كلها على صفيح ساخن، ومغامرة واحدة من رئيس وزراء الكيان ممكن تشعل حرب تبلع الأخضر واليابس، وساعتها لا ترامبو هينفعه ، ولا أم أمر… يكا نفسها هتقدر تطفّى النار ……..

■ مطلوب الاستمرار فى الثبات كتلة واحدة صلبة من كل المصريين خلف الجيش والرئيس البطل الصبور ، وان نتحلى بالصبر الاستراتيجى لابعد مدى حتى تنتهى هذه الازمة الغير مسبوقة …….

■ وفى النهاية مازلت متفائل جدا وان الذى يحدث الان من النتن ماهى الا حلاوة روح وكل هذا العبث سينتهى قريبا جدا ….. واللى مصر عايزاه ح يتعمل ان شاء الله بمعنى ستدخل المساعدات الى القطاع وستبدأ عملية اعادة الاعمار المتوافق عليها عربيا واسلاميا وسيضمن ابو حنان فى نهاية زيارته للمنطقة نصف نوبل من الشرق الاوسط وكمان نصف شوال رز اقصد نصف شوال من المال العربي الغير متسامح فيه لان ما اخذ بسيف الحياء فهو حرااااام!!!؟؟؟ فما بالك ما اخذ بطريقة البلط…جة الفجة التى نراها فى العلن.

سنواصل نحمد ربنا ….. وإذكروا الله كثيرا لعلكم تفلحون.