حصريا : ردى على طلب السعودى بنقل الجامعة العربية القاهرة الى الرياض وترشيح امير سعودى امينا عاما :

كتب ….اللواء الدكتور سامي دنيا
الجامعة العربية!!!!!؟؟؟؟؟
اللي يسمع عن الجامعة العربية بيقول ده مبنى مالوش لازمة ، وقعدة مالهاش لازمة ، ومع ذلك ، الكل طمعان فيها ، طب طمعان فيها ليه؟!!!!! علشان نفهم حدوتة النظام الاقليمي الجديد ، او النظام الامر- يكي الجديد لو حبينا نتكلم بدقة اكتر ، لازم نرجع مع بعض لاول الحدوتة ، بر،يطا،نيا لما انتصرت مع الحلفاء في الحر،ب العالمية الثانية ، وبدأت تهندس العالم لحصار الشيوعية ، قالت لك نعمل جامعة للدول دي ، طب ايه اللي يجمع الدول دي ، قالك اللغة والدين ، طب ده احنا لسه خلصانين من الخلافة العثمانية ، ايه ، هنرجعها تاني ، وفي الحتة اللي هنعمل فيها الكيان كمان؟!! قالك لاء خلاص نخليها عربية وبس ، ونجيب امين عام إخوانجي (عبد الرحمن عزام) ، ونخلي مصر هي اساس الجامعة دي ، مش لانها بتحب مصر ، لانها الدولة الوحيدة اللي تقدر تصرف على المشروع ، والدولة الوحيدة اللي تفهم في القصص دي ، باقي الدول العربية وقتها كانوا في الطراوة وبيلبسوا الفردتين شمال حرفياً ، بقول شمال حرفيا!!!؟؟
لذلك لما تبص لاول صورة توثق الاجتماع الاول للجامعة العربية تلاقي الملك فاروق قاعد على كرسي العرش بتاعه ، وباقي الأمراء والملوك واقفين جنبه ومش فاهمين حاجة ، تقريباً كانوا فرحانين انهم بيتصوروا جنب ملك مصر ، اه والله ده اللى فهمته من هذه الصوره يا ولاد المبقعه…….وحسبنا الله ونعم الوكيل فيكم جميعا وف قلة الاصل …..المهم …وفضلت الجامعة العربية حبر على ورق لحد ما جه جمال عبدالناصر وفعلها ، وقاد من خلالها ثورات التحرر العربي ، وقدر يطرد الإنجـ،، ـليز والفرنسيين من المنطقة ، ولولا دعم مصر ودعم الجامعة العربية مكانتش كل الدول دي اتحررت وبقت ليها لازمة!!!!!!؟؟؟؟ لحد الآن.
ندخل بعد كده على قصة النظام الاقليمي ،
الأمم المتحدة بتعتمد على منظمات اقليمية لاتخاذ القرارات المصيرية والمهمة ، وكل منظمة اقليمية وليها تكتل في الامم المتحدة ، وحسب ما بتقرر الجامعة حسب ما بيتم تطبيق القرارات ، تحرير الكويت مثلاً تحقق عن طريق جامعة الدول العربية ، التدخل في ليبيا وسوريا واليمن مكانش ممكن يحصل إلا بجامعة الدول العربية ، يعني بالبلدي كده ، من غير الختم بتاع جامعة الدول العربية كل ده مكانش هيحصل ، ولأن مصر هي صاحبة المقر وهي اللي صرفت وكبرت ودعمت بقى ليها ما يشبه الحق التاريخي في ضيافة الجامعة والأمانة العامة ليها واللي بتعتبر جزء من القوة المصرية السياسية في مختلف الملفات ،صحيح ده مش في اللائحة ، لكن موجود ضمنياً من اول انشاء الجامعة ، واللي كان نتيجته تحرير الدول اللي كبرت اسم الله عليها وعايزة الامين العام يبقى عندها ، لاء وايه ، حبيب ماما عايز المقر يبقى في بلدهم كمان ده حتى لما نقلوا الجامعة العربية لتونس اثناء القطيعة مع مصر بعد كامب ديفيد ، كان الامين العام من دولة المقر ، وهو الدبلوماسي التونسي الشهير الشاذلي القليبي الله يرحمه ، مكانش سعودي ولا جزائري ولا عراقي!! بس أنا فرحان لكل الكلام ده علشان لما اقولكم ان تر امب اتفق على نظام اقليمي جديد يتخطى مصر ودورها الاقليمي تصدقوا وتقتنعوا ، وتقولوا لعمرو اديب عشان هو كمان مقتنع انه استثمار وبس ، لاء يا حبيبي مش استثمار أصلا واديكم بتشوفوا ، الاول ، ضغوط بالأدوات اللي زي حميرتي ، وبعدين ، الشرع أنهى حقبة جمال عبدالناصر ، وبعدين شوية صيع بيقولك من حق المملكة تاخد المقر الدائم والأمين العام ، وكله هري غير رسمي ، تجهيز مسرح مش اكتر ،
طب ليه الهري ده غير رسمي؟!!
علشان تغيير النظام الاقليمي معناه اعلان الحر،،ب! زي ايه ، زي ما بيحصل في شرق أوروبا دلوقتي ، الخراب اللي في شرق أوروبا ده سببه برضو تغيير النظام الاقليمي عبر تمدد النا- تو شرقاً ، فبوتين قالهم لاء بقى دي قلة ادب ، وطالما مفيش ادب نتربى عادي يعني!!
وهما حتى هذه اللحظة مش قد الحر،،ب معانا ، طب هيعملوا ايه ؟! هيشوفوا حد يحاربنا بالنيابة ، ويفرض علينا شوية شروط علشان نعيش في سلام ، من ضمن الشروط دي انك تتخلى عن الجامعة العربية وعن الامانة العامة ، وتقلبها فندق ٥ نجوم بقى وتاكل من وراه عيش …طب مين الطرف اللي ممكن يحارب مصر وفي نفس الوقت عايز يغير النظام الاقليمي ده؟!!!! ايوة ، بيبي جوز سارة المحتارة ، الراجل المُهز-ق ابو بامبرز العر،ة ، اللي بطل يبوس حتى من زمان ، وهو اعلن كده بنفسه في قلب الامم المتحدة سبتمبر اللي فات ، وبكده نبقى فهمنا الاتي! مصر بتتحا،رب من كل الأطراف ومن كل الاتجاهات ، والعالم كله باصص لها في الحاجات اللي حضرتك شايفها مالهاش لازمة ؟؟ الجامعة العربية مش مبنى وبس ، ومش مؤسسة مالهاش لازمة ومش وهم وناصرية وعروبة وخلاص ، الموضوع اكبر بكتير من شغل العيال ده!!
المشروع الامر- يكي القائم على الكيان والخليج مش وهم ولا هبد ولا صئرنة ، ده مخطط وبيحصل وهيتم الإعلان عنه بمجرد سقوط مصر لاي سبب لا قدر الله! الاستثمارات الصينية والرو- سية والأوروبية بالإضافة إلى التقارب مع اير،ان مجرد رد مصري بسيط لكل واحد فاكر انه ممكن يشتري قيادة الاقليم بفلوسه او بقوته العسكرية ، اعقل يا ضنايا ومتخليناش ننزل بالكارت التاني
في النهاية أنا حابب طموح الاشقاء ، الطموح حلو مفيش كلام ، بس يا حبيبي احلم على قدك ، العشم مايخداكش نواحي الحتة دي ، ميبقاش طموحك تحط راسك برأس اللي عمل منك بني ادم ، اللي مربي قر،د عارف لعبه ، ولو فتحنا الدفاتر وقلبنا فيها مش هنخلي لحد خاطر ، ونفعل الحقوق التاريخية بقى ونشوف حقوقنا كلنا ؟؟ طب على ايه كل الدربكة دي ، علينا بايه من ده كله ، ما نسمع الكلام ونعقل احسن!!!!!!ومش ح ازود عن كده عشان انا محترم ومن بلد المحترمين من بلد القادة والسادة اللى صدرت لكم كل شىء طيب من اول التاريخ الى الان وبس.
