أمي اللي ماولدتنيش بس هي اللى ربتنا ووصلتنا لأعلى المناصب..كلمات تهز القلوب من المستشار محمود حميد لزوجة والده.

📌بوست مع صورة هزت قلوب المصريين عبر مواقع التواصل الإجتماعي نشرها المستشار محمود حميد رفقة زوجة والده عرفنا وتقديراً وحبا منه لها حيث كتب

📌الست جميله اللي في الصورة دي مش مجرد زوجة أب.. دي أمي اللي ما ولدتنـيش بس ربتنـي.هي اللي علمتني معنى التضحية، وهي الأساس لأي حاجة حلوة وصلت ليها.
كبرنا على إيديها..

📌شالت همنا وربتنا أنا وإخواتي لحد ما بقينا رجالة وسند نفتخر إننا ولادها.

📌خافت علينا من كل حاجة ممكن تأذينا، وحبتنا من غير ما تستنى شكر ولا تقدير.

📌كانت لينا أم وبنت وأخت وصاحبة.. وكانت العوض الحقيقي بعد فقدان الأم.في عز ما الدنيا بعدت الكل.. هي اللي كانت أقرب.وفي وقت معرفناش يعني إيه مسئولية..
📌هي اللي علمتنا إزاي نقوى ونقف على رجلينا.النهاردة، وأنا ببص في عينيها، كل اللي أقدر أقوله
📌شكراً من قلبي يا أمي، شكراً إنك كنتي قد الأمانة، شكراً على دعواتك اللي من غيرها ماليش قيمة.
📌ربنا يحفظك لينا ويطوّل في عمرك ويشيل عنك الهم والوجع، وتفضلي دايمًا فخورة بينا وفخورين بيكي.

📌 الست دي اسمها الأستاذة سامية عشماوي، زوجة والدي اللي رغم افتراقها عنه ورغم وفاته، فضلت أمنا وحضننا وسندنا لحد النهارده.

📌 تحية من القلب ليها ولابنها اللي بيقول الكلمة دي النهاردة: المستشار محمود حميد♥️♥️

نقلته لكم
د. يمني عبد الحميد