((( الله حكيم )))

بقلم لواء دكتور مهندس سامي دنيا
يا رب قوينا
ملناش غيرك يا رب

🔴ربنا لما بينَزِّل إبتلاء على حد، بيبقى دايماً بِحِكْمَة ورحمة حتى لو إحنا مش فاهمينها، فيه ناس الإبتلاء بتاعها بيبقى متجزّأ، زى إختبار صغير كل فترة، وده بيبقى رحمة من ربنا علشان يخفف عنهم ويقويهم وحدة وحدة، بيبقى كأنه ربنا بيدربهم على التحمل والصبر ..

🔴بس فى ناس تانية، بيحصل لهم الإبتلاء مرة واحدة بشكل كبير، وده أحياناً بيكون تقيل جداً على النفس، بس لو ركزنا شوية هنلاقى إن ده برضو رحمة من ربنا، لإنه عارف قدرات عباده، وعارف مين يقدر يشيل ومين ممكن ينهار، ربنا عارف كل تفصيلة فى حياتنا، وعارف إيه إللى هيزود إيماننا ويقربنا ليه ..

🔴المهم_فى_الحالتين، إننا نفضل واثقين فى حكمة ربنا ورحمته، ونلجأ ليه بالدعاء والصبر، الإبتلاءات مش معناه إن ربنا بيغضب علينا، بالعكس ده ممكن يكون علامة على حبه لينا، لإنه بيطهّرنا وبيجهّزنا لحاجة أحسن ..

🔴خلينا_دايمًا_نفتكر_الآية: “لا يُكَلِّفُ اللَّهُ نَفْسًا إِلَّا وُسْعَهَا”، يعنى مفيش حاجة بتجيلنا إلا واحنا قادرين عليها. ربنا معانا طول الوقت، وإحنا بس محتاجين نصبر ونفتكر إن بعد كل ضيق فرج .

إحمدوا ربنا …… وإذكروا الله كثيرا لعلكم تفلحون.