بقلم اللواء الدكتور سامي دنيا
🔴🔴 حبيبتي مصر 🇪🇬 أم الدنيا بقت خلاص اد الدنيا……..قمة مصر أوروبا ، وهي من القمم اللي فخامة الاسم فيها تكفي ، يعني تلاقي اسم بلدك في شراكة استراتيجية مع الاتحاد الأوروبي كله ، مفيش نجاح اكبر ولا افضل من كده ، خصوصاً لما نعرف ان الدول اللي عملت قمم منفردة مع الاتحاد الاوروبي هي امريكا والصين فقط …..
🔴🔴 ومفهوم الشراكة الاستراتيجية ترجمة لعبارة “يا نعيش سوا يا نموت سوا” الشهيرة ، لانه بينقل العلاقات من مرحلة التبادل التجاري والامني العادي إلى مرحلة الاعتماد عليك في شيء معين او اكثر يخص الأدوار الرئيسية للاتحاد الأوروبي ،
🔴🔴 ومنذ الإعلان عنه في ٢٠٢٤ ومواقف أوروبا بدأت تتغير في قضايا كتيرة في الشرق الأوسط ، ومنها قضايا زي غزة والقضية الفلسطينية واللي خدت فيها أوروبا مواقف مشرفة وقوية ، وحتى علاقات مصر الثنائية مع الدول الأوروبية بدأت تتطور ويبقى فيها دفء واضح ،
🔴🔴 🔴🔴 🔴🔴 المحاور الرئيسية للشراكة دي هي ٦ محاور ، لكن محاور الأمن والاقتصاد ليهم أولوية واضحة عند الطرفين ، يعني هيكون في دور اقتصادي للاتحاد الأوروبي عند مصر ، ودور امني مهم لمصر عند الاتحاد الأوروبي عن طريق تسوية النزاعات وفرض الامن في الاقليم ومنع الهجرات الغير شرعية ، والحقيقة ان الدورين مكملين لبعض ، ونجاح الشراكة فيهم هيعود بالخير على الطرفين!!!!!
🔴🔴 هل ممكن تتطور الأمور في المستقبل القريب في ظل الخلافات الاوروبية الامريكية؟!
ده مؤكد مؤكد مؤكد ، ويمكن يكون ده من اهم اسباب الشراكة الاستراتيجية دي ، ومازلت ارى ان السلام القائم على التوازن لن يتحقق إلا باستقلال أوروبا عن الحلف الغربي ، أكرر ومازلت ارى ان السلام القائم على التوازن لن يتحقق إلا باستقلال أوروبا عن الحلف الغربي.
🔴🔴 وهي قارة كبيرة وليها اسهامات واضحة ومؤثرة في التراث الانساني ، وتقدر تبقى قطب عالمي مؤثر لو خلصت النوايا بين اعضاء الاتحاد الأوروبي ،
🔴🔴 قمة مهمة تحمي الحاضر وتصنع المستقبل ، والحوار الحضاري بين الطرفين هتكون ليه نتائج ايجابية جداً على العالم كله مش عليهم وبس!!!!!! وبكرة نشوف ونتأكد ان شاء الله …… فضل كبييييير من ربنا على ام الدنيا والحمد لله رب العالمين ……نستمر نحمد ربنا ….. وإذكروا الله كثيرا لعلكم تفلحون.
