المشاهير والمهرجانات
مشيت ياابني

بقلم خالد كرومل ثابت
مشيت يا ولدي وخدت قلبي معاك
مشيت روحي وقلبي يا ولدي وراك
خدت الفرحة وخدت الضحكة ومشيت
سبت الدمعة وخدت البسمه وراك
كنت قلبي وبضي عيني برعاك
كنت حبي والحب شفته معاك
رحت وراحت الضحكه من عيني
فضلت مستني تجيني والقاك
ندهت عليك يا حبيبي وانت هناك
نزلت دموعي يا ابني ومش هنساك
غبت غابت كل حاجة حلوة
غبت وطال الغياب أزاي القاك
كنت بسمه ونسمه زي الملاك
كنت همسة طير طاير في سماك
قلبي أنفطر لما عرفت مش راجع
قلبي في خطر تعالى وخذني معاك
خالد كرومل ثابت



