عادل محمود
في عيد ميلاد شويكار طلبت من صديقها سمير خفاجي أن ينتج لها مسرحية تجمعها مع سهير البابلي عشان تكون خبطة الموسم
في اليوم اللي بعده، كان سمير خفاجي قاعد مع صاحبه الكاتب والشاعر الجميل بهجت قمر، وحكاله اللي حصل في سهرة عيد ميلاد شويكار.
بهجت قاله: وانت رديت على شويكار قلتلها إيه؟
فقاله: قلتلها أعملكم إيه.. ريا وسكينة!
بهجت سرح شوية، وبعدين لمعت في دماغه فكرة، وبعد كام ثانية وقال بصوت عالي “لقيتها! لقيتها!”
سمير قاله: “لقيت إيه؟”
قاله: “الفكرة اللي هتجمع شويكار وسهير البابلي”
قاله: “إيه هي؟”
رد عليه: “فكرتك!.. مسرحية ريا وسكينة!”
سمير اتفاجئ جدًا، وبهجت كمل كلامه وقال: “بس بشكل غنائي استعراضي، ويخرجها حبيبنا حسين كمال اللي اشتغلت معاه قبل كده في مسرحية بمبة كشر لنادية لطفي.”
الفكرة عجبت سمير خفاجي جدًا، واتصل فورًا بشويكار وسهير البابلي، وحكالهم على المشروع، فانبسطوا جدًا ووافقوا.
وبدأوا فعلاً التحضير، وطلب سمير من بهجت يكتب معالجة للمسرحية مخصوص علشان شويكار وسهير البابلي.
لكن بعد ما خلص الفصل الأول، فاجئته سهير البابلي واعتذرت عن المشاركة علشان كانت
