حصريا : حادثة المعتمر المصري أثناء العمرة واخبار متنوعة أخرى.

بقلم اللواء الدكتور سامي دنيا

==حقيقة مابعد المقطع المصور لمعتمر مصرى وزوجته اثناء العمره بالسعودية

(( السلطات السعوديه تصرفت بأفضل مايكون))

وبدون اى تدخل من اى جهه

==اخبار سريعه ومهمه جدا بدأ تنفيذها ذكرناها سابقا.

————————————————

== حقيقة مابعد المقطع المصور لمعتمر مصرى وزوجته اثناء العمره بالسعودية

(( السلطات السعوديه تصرفت بأفضل مايكون))وبدون اى تدخل من اى جهه :

==بدقه شديده كل عناوين الصحف والمواقع الالكترونيه غير نزيهه وتبحث فقط عن زيادة عدد المشاهده

== الاستدعاء تم لفرد الأمن وتم تحويله على جهات التحقيق لاتخاذ الاجراءات المناسبه للتهم الموجهه اليه يعنى ايه الاجراءات المناسبه== يعنى فى محددات انضباطيه

== عقوبات تخص العمل زى وقف الترقى او الايقاف عن العمل او الخصم او جزاءات او احاله للمحاكمه (( لو جريمته تستحق ذلك وممكن تصل لسجن او فصل من العمل ))

حسب الجريمه وتوصيف الاتهام جزء تانى من الموضوع ان تعليمات جهاز امن الحرم ووحداته المختلفه قسمين :== قسم خاص باجراءات امنيه هما ملزمين بتنفيذها حرفيا

وفيها تشديد لاقصى حد == وقسم خاص بأسلوب التعامل مع الزائرين وده بيشددوا عليه دايما == قسم تشديد التعليمات فى حاجات كتير خاصه بالحرم المكي ناتج عن تجاوزات وجرائم وتهديدات كبيره بتحصل وكتير جدا :== يعنى الايرانيين كتير هجموا على الكعبه بشكل كبير ومفاجئ == وكتير هجموا باعداد كبيره لنبش قبور محدده منها قبر

ام رسولنا الكريم عليه الصلاة والسلام

== وكتير حصل وفيات نتيجة تدافع حتى فى قلب الحرم المكي وكان كتير منها تدافع لتقبيل الحجر الاسود والتقرب من الركن اليماني والتمسك باستار الكعبه وغيرها كتير

=== اى حاجه من الحوادث دى بيحصل فيها تقصير بتكون عقوبة المسئولين الفصل والسجن مدد طويله حسب الموقف اللى بيحصل == ده لايمنع حدوث تجاوزات من امن الحرم زى مابيحصل تجاوزات من اى جهاز امنى او شرطى فى العالم كله

الناس بس بتشعر بألم شديد لطبيعة المكان الفريده فى حد ذاتها قبلة المسلمين الحرم الاهم للمسلمين المكان وطاقته الروحيه الموجوده ده بيخلينا الغضب والضيق مضاعف لاقصى حد == لكن محدش بياخد فى اعتباره الآتى : == العدد الهائل الموجود فى المكان وزى مافى تجاوزات من الامن فى تجاوزات لاتعد ولاتحصى من الزائرين للمكان== يوميا فى حوادث سرقه وفقد ممتلكات وناس كبيره فى السن تاهت عن مجموعتها او اطفال او ناس مبتعرفش تقرأ ماهو مكتوب وبيدخلوا من اماكن غلط او اماكن غير مسموح الدخول منها

زى حادثة الصفع الشهيره من كام شهر لسيده قامت بصفع فرد امن..محطوط حواجز وممنوع المرور وهيا جت رفعت الشريط وعبرت من تحت المكان وعايزه تعدى بسرعه يعنى فاهمه كويس جدا انه ممنوع تعدى من هنا واما بسرعه اعترضها ومسكها ضربته بالقلم وهو اعصابه فلتت وضربها والفيديو انتشر للجزء اللى هو بيضربها فيه وبيعتدى عليها بالضرب (( فقط )) ماقبل هذا تم اجتزاؤه ..المقصود هنا ليس تبرير تجاوز

لان التجاوزات سواء من الامن او الزائرين لن تتوقف وتحدث يوميا …وهتفضل تحدث لان الاعداد هائله والثقافات متنوعه وكثيره جدا والضغط وارد وايضا سوء التصرف وارد سواء من افراد الأمن او الزائرين المهم ان المخالف يؤخذ معه الاجراء القانونى المناسب

خاصة مخالفات رجال الأمن (( وايضا من يرتكب جريمه او مخالفه للقانون))

== الحاجه التانيه المهمه جدا جدا جدا :

== النيابه المصريه من شهر تقريبا حبست واحد صور فيديو ونزله لبنات وولد بيقوموا بافعال فاضحه فى الطريق اثناء قيادة الولد السياره == طبعا النيابه اخدت اجراء قانونى للولد صاحب السياره والفتاتين == وقتها كل الناس استغربت ليه اللى صور المخالفه دى يتحبس (( هو برئ هو بيبلغ عن جريمه))

لا النيابه قالت بوضوح صور وابعت على رقم البلاغات المصوره على الواتس الخاص بالنيابه (( ده الاجراء القانونى))لكن تصوير ونشر على مواقع التواصل الاجتماعى ده مخالف للقانون

== برضوا السلطات السعوديه اعلنت مليون مره ان التصوير داخل الحرم والنشر على مواقع التواصل الاجتماعى ده جريمه يعاقب عليها القانون : == ومحدش يسبق ويتكلم بسطحيه وجهل وخلاص لازم تفهم وكويس == كل الناس عادى مازالوا بيتصوروا ويفرحوا بالمكان وبالزياره وينزلوها على صفحاتهم عادى وكمان كتير بيكونوا جنب افراد حرس وبيسيبوهم عادى جدا …لكن التجريم تم بعد سلسله ممنهجه وكبيره جدا نزلت على صور (( رجال اجانب )) تداولتها مواقع كثير مغرضه على اساس انهم سيدات يلبسون لبس احرام مكشوف فى الحرم وكذلك صور كثيره خلسه تؤخذ ويتم التشهير بها لاغراض دنيئه لتشويه الحرم نفسه او الدين الإسلامي او تشويه المملكه العربيه السعوديه لذلك هنا كان تجريم التصوير وده قانونى ودوله حره فى اعلان قوانين وعلى الجميع على اراضيها الالتزام بها == طيب هتقولوا لو المعتمر المصرى مصورش ونشر كان هيتبهدل اكتر ويتهان اكتر

وقائع مماثله كتير لاتعد ولاتحصى وبشكل يومى رجل الامن كده كده بيتصل وبيرسل ليه دوريه بتصطحب المخالف(( واول اجراء وبيتم بسرعه ارسال فيديو كامل عن الواقعه))

والكاميرات مغطيه كل سم فى الحرم وبيشوفوا فى مخالفه ولا لأ …وبيتعمل حساب كبير ان الزائرين دول اجانب مش سعوديين

يعنى بشكل كبير بيلجأوا لاقل عقوبه مخففه غرامه او يصرف بيكمل زيارته وبيغادر

عدا لو الجريمه كبيره طبعا == طيب فرد الأمن لو مخالف بيعاقب وبشكل سريع ومش بيتغاضوا عن ده لان ممكن لو تغاضوا نفس الشخص يتمادى ويتسبب فى كارثه وده حصل كتير قبل كده ان فرد امن يهين شخص بشكل مش مناسب ويكون الشخص ده ضمن مجموعه كبيره ويكون له مكانه اجتماعيه فى بلده او قبيلته او رجل دين او غيرها وبتكون النتايج كارثيه لان المجموعه كلها بتنتقم فورا من رجل الامن وبيكبر الموضوع جدا وبيسبب كتير جدا أزمات دبلوماسية كبيره …لكن هما مش هيطلعوا على شاشات التواصل الاجتماعى ويقولوا عاقبنا رجل الأمن وعملنا كذا وكذا

(( لكن الزائرين بيتبلغوا لو فى مخالفه من رجل الأمن))وبيشرحولهم كمان يقولوا ايه فى الاتهام لرجل الامن وكمان بيقدروا يتابعوا الاجراءات القانونيه والنتائج بعد مايرجعوا عن طريق السفاره السعوديه..لان ساعات بيكونوا يستحقوا على سبيل المثال تعويض بسبب اعتداء رجل امن تسبب بعاهه او اصابه او غيرها ==تصوير الموضوع انه فقط مع المصريين عشان هما محروقين مننا وكلام كتير كده…كلام الحقيقه مختلين وكلام ناس مش منطقيه الواقعه واضحه بداية التجاوز مع السيده او غيرها من التجاوزات اللى بتحصل مبيلحقش فرد الامن تمييز جنسية الزائر او الزائره هو واقف وده مكانه…يعنى مش هو شافهم من بعيد وكله لابس زى بعضه لكن عرف انهم مصريين وراح مخصوص اعتدى عليهم عشان مصريين…ولو الموضوع كده (( مايقارب اتنين ونص مليون مصرى ))

عايشين فى السعودية ازاى ليهم سنين طويله ؟؟؟ بيتهانوا كل يوم ويضربوهم ويعتدوا عليهم؟؟ (( لازم يكون فى منطق وعقل))

== عامة بالفعل الجهات الرسميه فى السعوديه قالت ان بمجرد ماتم رؤية فيديو الواقعه (( كان بالفعل المعتمر المصرى موجود بالجهات الامنيه … وكان كمان بلغوا الامن السعودى بحضور رجل الامن بعد انتهاء خدمته)) لاستكمال الاجراءات والتحقيق

== طبيعى اى محضر بتستكمل اجراءاته كده

المختلف ان فرع خاص بالتحقيقات فى وزارة الداخليه السعوديه طلبت ضبط فرد الامن الذى تجاوز وده امر ضبط وليس استدعاء ومعناه توجيه اتهام رسمى ليه لارتكابه جريمه (( لان فى حالة ارتكاب مخالفه لايصدر امر ضبط)) وفى الغالب هتكون التعدى على سيده لان الست المصريه اللى وقعت لم يحدث تعدى منها عليه وعلى فكره كل المانشيتات اللى ولعت الدنيا كلها لنفس المواقع

(( هتلاقوها كلها بتعدل كلامها تانى بعد قليل))

تقريرنا هنا اكتر مكان بنهاجم فيه بشكل صريح وواضح اى دوله او حد بيمس بلدنا او شعبها

وبنقول السعوديه ولا الامارات ولا اميركا ولا غيرها اى دوله تاخد اجراء او خطوه تمس الامن القومى المصرى او الشعب المصرى

لذلك برضوا ضمن المصداقيه اننا نقول الحقيقه مش المنتشر وخلاص لذلك احنا وضحنا تفاصيل كتير وقلنا الخطأ والصواب

== وقصة تكرار بلاوعى ده بيت ربنا ومش ملك للسعوديه ومش من حق السعوديه تعمل كده

ده كلام جهلاء وكلام غير واعى حق يراد به باطل : الحق انه ملك لجميع المسلمين وانه قبلة المسلمين وكل الصفات الساميه اللى تخص الكعبه ومكه والحرم

الباطل : يعنى مطلوب مثلا حمايه دوليه عشان ده بتاع كل المسلمين نلاقى مثلا الامن على جده امريكان ولا فرنسيين ولا من كل الجنسيات ؟؟؟ ده بدماغك هيكون احسن؟؟؟

ولا يتساب خالص بلا امن وعادي جدا هتلاقى الناس بتدبح بعض فى قلب الحرم وده حصل منذ انشاؤه وصلب على بوابات الحرم كتير ناس بل ضربت الكعبه نفسها وهدمت اكثر من مره بلاش كلام تخريف (( ما دولة مصر ملك شعبها)) خلاص تمام كده نلغى الشرطه بنفس المبدأ ونعيش كلنا صحاب وحبايب فى دولتنا ملكنا كلنا ؟؟؟طبعا ضروره وسليمه ان تكون دولة السعوديه قائمه على تأمين وخدمة زوار بيت الله الحرام والصيانه والتطويروالمواصلات والفنادق والاكل والشرب وكل شئ من خدمات تتطلب دوله مستقره وقويه تحافظ وتنظم للمسلمين كلهم حول العالم مقدساتهم واماكنهم الغاليه على الجميع

=== فبلاش نكرر كلام ترامب والصهيونيه العالميه والماسونيه لان ده هدفهم

وبيقولوه طول الوقت عن القدس انها مدينة كل الأديان بما فيها الحرم القدسي اول القبلتين وثاني الحرمين واحنا دايما بنأكد انه جزء لايتجزأ من دولة فلسطين ودايما بنصر ان دولة فلسطين وعاصمتها القدس الشرقيه

(( اللى فيها بيت المقدس والجامع الأقصى المبارك )) إذا مكه والمدينه هى جزء لايتجزأ من ارض المملكه العربيه السعوديه (( ومحدش يكرر غير كده)) لان التغيرات العالميه سريعه جدا وكل حرف الشعوب بتكرره بيتاخد فى حسابات اهل الشر

———————————————-

== اخبار سريعه ومهمه جدا بدأ تنفيذها ذكرناها سابقا : غزه : مازال الاتفاق مستقر و مازالت المساعدات تتدفق وطبعا بعد مصر اكبر دوله بتساعد فى المساعدات الامارات

== المساعدات مش حاجه هينه دلوقت بيدخل يوميا عشرة الاف طن : من غاز طهى لوقود لمستلزمات طبيه لاكل لاغطيه وملابس وخيام وغيرها وطبعا ممكن صندوق صغير فى اجهزه طبيه يكون بملايين اغلى من تكلفة قافله بالكامل…بحسبه بسيطه عشان نستوعب الموضوع : هنعتبر ارخص سعر قافله (( عشرة الاف طن ))كلها مواد غذائيه (( هنقول متوسط سعر الكيلو ثلاثين جنيه مصرى ))عشرة الاف طن والطن الف كيلو (( يعنى عشره مليون كيلوجرام))يعنى ثلاث مائة مليون جنيه

يعنى ثلث مليار جنيه مصرى فى اليوم

يعنى عشرة مليارات جنيه مصرى فى الشهر

يعنى مائه وعشرين مليار جنيه مصرى فى السنه يعنى اكتر من خمسه بالمائه من موازنة عام كامل تصرف على مائه وعشرين مليون يعيشون فى مصر والحقيقه لو صنفنا مايتقدم من رعايه صحيه للمصابين وكمان نوعية مايقدم من مساعدات هتكون التقديرات مرعبه

=== ولو قلنا عشره بالمائه لغزه وزيهم او اكتر للمقيمين الأجانب (( هنلاقى الشعب المصرى ودولة مصر بتضحى بأكثر من ثلث مقدراتها لايستفيد منها المصريين بشئ))واحنا بنتعصر فى غلاء اسعار وضغط هائل فى الدخل وكل متطلبات الحياه (( مش منطقى نستغني عن تلت حقنا لغيرنا وبكل بساطه كده !!!!!))

== طبعا بعد اللى قلناه كلكم اتضايقتم وبتقولوا ليه كده ياقياده سياسيه وليه كده ياحكومه؟؟ : == حاليا المقيمين الأجانب هيرحلوا باذن الله والخطوات بدأت وشغاله على قدم وساق وهننزلكم اعداد قريب جدا

== وبرضوا سعى القياده السياسيه وتوفير اموال بحجم جيد جدا هتغطى تكلفة المساعدات وتكلفة المقيمين الأجانب (( وكمان الاهم تكلفة مغادرتهم))لكن كل ماسبق وقلناه هنتكلم تانى فيه عن

السعوديه :== الفقره السابقه فى التقرير كانت كلها لصالح السعوديه مش ضدها (( وده حقيقى )) لكن هنا العكس تماما

بتعلن السعوديه عن طائرة مساعدات هبطت بمطار العريش لاهل غزه (( عارفين وزن حمولة الطائره كام ؟؟)) ٢٣ الى ٢٥ طن

عارفين العربيه الواحده اللى بتدخل بتشيل كام ؟؟ من ٢٥ الى ٧٠ طن عارفين مصر بتدخل كام عربيه يوميا ؟؟ ثلاث مائة ناقله كبيره

يعنى يوميا تقريبا ٥٠٠ ضعف السعوديه بيدخل من مصر والسعوديه مش بتبعت طائره كل يوم يعنى ولاحاجه والموضوع ليس له علاقه بحماس من قريب او بعيد او ايران ولابمصر

عندها حدود بريه مشتركه مع الاردن وهناك معابر من الاردن وعندها سفن زى ما بتبعت الامارات على ميناء العريش وتقدر بسهوله تدخل ٣٠٠ ناقله زى مصر يوميا إذا هنا السعوديه بتعصر مصر وشعب مصر

(( بكل بساطه وبكل وضوح))

=== وطبيعى الحقيقه كل الدول ناتج سايكوس بيكو منستغربش شرهم وتصرفاتهم

ولا ازاى بيقدروا يناموا فى الامارات وقراراتهم كانت سبب فى مذابح وابادة عشرات الالاف فى الفاشر ولا ازاى بتقدروا تكونوا مرتاحين نفسيا فى السعوديه وانتوا كنتوا سبب فى كل اللى حصل وبيحصل فى سوريا او اليمن او ليبيا

ولا ازاى ياقطر نفس الشئ فى كل الدول بما فيها تلوث ايديكي بدماء شهدائنا المصريين

=== عشان كده دايما وابدا اياك تنسى مفيش مسميات فى مصالح فقط لاغير (( كل المسميات دى لغه مهذبه ليس لها اى مكان على ارض الواقع))متنساش ادارة الدول مفيش فيها عواطف (( لانهم معندهمش قلب من الاساس ولاشرف ولاذرة ضمير))

=== وأيوه هنساعد لآخر نفس فينا اهل غزه وهنفضل نحاول باقصى جهد نغطى بردان نبعت لبس شتوى نعمل خيام فى المعسكرات المصريه ضد المطر نعمل لهم حمامات نظيفه وصرف صحى نعالج ونطبب ونطبطب

على طفل صغير لايعرف حماس ولا يعرف حاجه فى الدنيا على اطفال فجأه فقدوا كل حاجه فى الدنيا لا اب ولا ام ولا اقارب ولا اخوات ولا عائله ولابيت اه هنطلع ونضرب ونولع فى المرتزقه وحميدتى وهناكل بسنانا اللى يهدد امن مصر فى ليبيا والصومال واريتريا وكل دول أفريقيا (( وفى قلب سوريا ))وكل مكان …ومش هنرحم حد بيأذينا ومش هنرحم اللى معندهمش شرف ولاضمير == وإياك يامصريين تقولوا لا نسكت ونسيب الناس تموت واحنا احق باللقمه نسيب خونة حماس ماشى ميدخلش حد ارضنا ماشى

لكن نسيب ناس تموت جوعا وبردا ومرضا

ده مش هيحصل واللى بينجى مصر وشعبها من المهالك اننا قياده شريفه وشعب شريف

(( ومصر وشعبها بلاجدال لايوجد لهم مثيل فى العالم)) قولا واحدا.

السودان : مايتداول عن معارك لتحرير الفاشر عارى تماما من الصحه

(( الجيش السودانى انسحب من الفاشر ))

صعب جدا يعرف يدخلها المدن صعب جدا تحريرها والقصف الجوى دائما بيكون دقيق جوه المدن عشان ميقتلش المدنيين

وبيتوجه الكم الاكبر منه على الحدود الخارجيه للمدينه وطبعا الدعم السريع بيدوب جوه المدنيين وده حصل فى الفاشر لكن الدعم السريع اما بيهاجم بيضرب المدنيين عادى جدا == عامة زى ما من شويه مبعوث ترامب لافريقيا فى حوار استراتيجى زى ماقلنا امس فى تقريرنا واعلنوا عنه اليوم من القاهره ان مبعوث ترامب لافريقيا كان بيناقش وزير خارجية مصر فى كل ملفات افريقيا دون استثناء وخاصة اللى تهم اميركا من جهه واللى تهم مصر من جهه اخرى (( وبكل بساطه مصر مفتاح افريقيا زى ماهيا مفتاح الشرق الأوسط كله )) وده شافه ترامب بوضوح وكل العالم شايفه وبالتالى توجه بقوه ووضوح لمصر والتعاون معها (( وليس معاداتها والعمل ضدها)) وبرضوا حذرين جدا لان مخططاتهم القذره وغدرهم والكذب لاتتوقف

=يهمنا الضغط لايقاف الحرب فى السودان

= يهمنا استمرار ايقاف حرب غزه

=يهمنا استقرار ليبيا وخروج المقاتلين الأجانب

(( وليبيا حلها ليبى/ليبى))

والسودان حلها سودانى/سودانى

وغزه حلها فلسطينى / فلسطينى

عشان محدش يخدعكم بغير كده

مصر حلت مشاكلها بنفسها وشعبها فقط لاغير

لاجبنا حد يحارب لنا ولا سيبنا حد يبيع ويقسم بلدنا (( الاخوان))ولاسيبنا كلاب ارهاب على ذرة تراب من مصر ولاعرف حد يفرقنا ولايقسمنا لا دول غريبه ولا جماعات غريبه كل الدول اللى قلناها واكتر دمرها شعوبها ومازالت شعوبها تواصل تدميرها (( يعنى مفيش مخطط هدم او شر ينفع ينجح بدون شعب منقسم وغير وطنى ))……شعب ضعيف = مخطط ناجح

……….شعب قوى متماسك وطنى = فشل كل مخططات الهدم……مصر بخير …. مصر على الحق المبين ….. مصر على قلب رجل واحد خلف جيشها وخلف زعيمها المفدى السيسي البطل والحمد لله رب العالمين …… وإذكروا الله كثيرا لعلكم تفلحون.