المشاهير والمهرجانات

الشهيد  المقدم/محمد مبروك 

الشهيد

المقدم/محمد مبروك

ظابط الامن الوطنى

مواليد 74، وكان وحيد أبوه وأمه، وصاحبه سلمه للإرها.بيين، واغتا.لوه بـ12 رصاصة، وكلمة السر «قضية التخابر».

 

👇

 

محمد مبروك.. قصة أقوى ظابط أمن دولة في تاريخ مصر

 

🇪🇬

 

بعد سنتين من تخرجه من كلية الشرطة انضم لجهاز أمن الدولة، واشتغل في مكافحة التطرف الديني..

 

وشوية وبقى مسئول ملف الإخوان بالكامل، وعنده عيون جوا الجماعة وعارف كل حاجة عنهم..

 

وهو اللي رصد لقاءاتهم مع جهات خارجية بداية من سنة 2004.. عشان ينشروا الفوضى في مصر ويستولوا على السلطة..

 

والأخ محمد مرسي كان أكتر واحد “مبروك” متابعه.. لإنه المسئول عن التنسيق مع الناس اللي برا..

 

ويوم 23 يناير.. سجل لمرسي وهو بيكلم أحمد عبدالعاطي، مسئول الإخوان في تركيا، وبيتفقوا على اللي هيحصل..

 

وبعدها دخل على الإيميل بتاع “مرسي” وجاب منه خطة الجماعة اللي حطوها بالاتفاق مع المخابرات الأمريكية..

 

وهنا كتب تقرير من 35 صفحة لرئيس الجهاز حسن عبدالرحمن..

 

وبسببه “مرسي” و34 واحد من قيادات الإخوان اتقبض عليهم..

 

لكن هربوا من السجن بعد كام يوم..

 

و”مبروك” كمان كشف اللي حصل في اقتحام الحدود والسجون..

 

وبعد ما الإخوان اتمكنوا من مصر.. أول حاجة فكروا فيها يخلصوا منه..

 

وبالفعل.. اتنقل من مقر أمن الدولة الرئيسي في مدينة نصر.. وإدارة النشاط الديني اتفككت..

 

ومحمد مبروك عاش فترة صعبة في حياته.. خصوصا مع تشويه الجهاز ووزارة الداخلية كلها..

 

وف يوم بكى لما ولاده سألوه: يا بابا هو الناس بقت تكره الشرطة ليه؟..

 

وقالهم: بكره الناس تعرف الحقيقة..

 

 

 

ولما كان يحب يخرج من الحالة دي، بقى يروح لواحد صاحبه اسمه محمد عويس، وشغال رئيس وحدة مرور الوايلي، ويفضفض معاه..

 

وعويس بقى يقوله:

 

يا عم كبر مخك..

 

انت بتتعب نفسك زيادة عن اللزوم ومحدش هيقولك شكرا.. شوف مصالحك أحسن..

 

ومبروك بقى يلومه على كلامه.. لكن عمره ما شك في إخلاصه.. خصوصا إن علاقتهم كانت قوية أوي..

 

لدرجة إن محمد مبروك بقى يروح مع أم محمد عويس جلسات الغسيل الكلوي لما يكون مشغول ومش عارف يروح معاها..

 

وبرغم كل الإحباط.. محمد مبروك كان متأكد إن الإخوان مش هيكملوا والشعب مش هيسكت وبلده بتضيع..

 

وحصل فعلا..

 

والشعب نزل خلع مرسي..

 

وبعد ما الإر…هاب زاد رجع محمد مبروك تاني لمقر الأمن الوطني الرئيسي ومسك ملف الجماعة…

 

وابتدى الشغل فورا.. وهو اللي جاب خيرت الشاطر من قلب بيته

 

وبعدين فتح ملف التخابر والهروب من سجن وادي النطرون من تاني.. وعمل تحريات متخرش الميه..

 

والقضية بقت جاهزة..

 

والإع دام كان في انتظار مرسي وإخوانه..

 

وهنا كان القرار إن مبروك لازم يموت قبل ما يشهد في القضية..

 

وكلف الإخوان رجالتهم في جماعة أنصار بيت المقدس بالتنفيذ..

 

والمفاجأة إن محمد عويس هو اللي سربلهم عنوانه فى مدينة نصر، وأرقام تليفوناته، وماركة عربيته ولونها ورقمها، ومواعيد خروجه ورجوعه..

 

وكمان صورة حديثة ليه..

 

والمقابل كان 2 مليون جنيه..

 

ويوم 17 نوفمبر سنة 2013؛ محمد مبروك نزل من بيته الساعة تسعة ونص بالليل عشان يروح شغله..

 

وقبل ما ينزل ابنه زياد قاله: عايز شيكولاته يا بابا..

 

“مبروك” اشترى الشيكولاته واداها للبواب يطلعها..

 

وبعدين ركب عربيته..

 

وفي اللحظة دي الإرها..بيين حاصروه وابتدى الضرب من كل حتة..

 

ومات البطل بأكتر من 12 رصاصة..

 

لكن كتب بموته نهاية مرسي والإخوان..

 

رحم الله الشهيد البطل محمد مبروك.

مقالات ذات صلة

زر الذهاب إلى الأعلى