((( العالم فى اهم واخطر اسبوع فى هذه السنة حتى الآن ))) ….
بقلم اللواء الدكتور// سامي دنيا
هااااااااااااااام للغاية.
أخطر وأهم مقال كتبته …حتى الآن.
المتخرتأين…
حصلت الهدنة وتم وقف إطلاق النار ف لبنان والجيش اللبناني إستلم الحدود جنوب نهر الليطاني ….
حلو …!!
لا مش حلو طبعا….
هتقولولي ليه دا سلام ووقف اطلاق نار وخلي لبنان تهدى بقا دا منظر الدمار اللي في لبنان يقطع القلب وبعدين ما هو ده اللي كانت مصر ولبنان بيطالبوا بيه وإتنفذت طلابتهم….؟؟
هقولكم عندكم حق بس حصلت حاجة تانية هتقلب المنطقة ….!!
هتقولولي إيه هي …؟؟
الحرب هتتنقل لمكان تاني خالص محدش كان واخد باله منه…!!
انا بتكلم هنا عننا إحنا لكن اجهزة المخابرات كانت واخدة بالها جدا
وكانت كلمة السر ف اللي قاله النتن- ياهو من اسبوع لما طلع وقال….
بشار الاسد بيلعب بالنار وهيدفع التمن غالي
سوريا….
في سوريا بقا….
وبعد ما كانت الدنيا إلى حد ما هادية في سوريا لمدة اربع سنين
طلع النتن – ياهو قال…
بشار الاسد بيلعب بالنار وهيدفع التمن…
ليه يا نتن….؟؟.
قالك علشان نظام بشار كان بيمد حزب-الله بالصواريخ وفاتح خطوط إمداد ليهم
تاني يوم من التصريح ده….
لقينا جبهة النصرة وجيش سوريا الحر وجبهة تحرير الشام وداعش وكل الميليشـ-يات الإسلامية بيهاجموا حلب وإدلب وبيقطعوا الطريق الدولي وبيقسموا سوريا نصين وبيسيطروا على ٥٠ قرية في يومين
صدفة ….!!
لا طبعا مش صدفة
دول اخدوا امر بالتحرك والهجوم
طب يا ولاد كوم شكاير الكلاب دا إحنا بقالنا ٣ سنين مسمعناش عنكم حاجة
طب دي غـ-زة إدشملت ومضربتوش عليهم طلقة واحدة !!!
ولا حتى بعتولهم بوق ماية !!!!
طب القدس يا ولاد كوم شكاير الكلاب !!
يقولك لاء الجيش المصري فين !!!
أقولك فين ومتزعلش …!!
من كل الاحداث اللي بتحصل في سوريا دلوقتي هتفهم حاجة واحدة بس….
إن كل الميليـ-شيات اللي بتحارب في سوريا بتتمول من إسرا-ئيل
وبتتحرك بآوامر منها
يعني بشار الاسد مكنش بيحارب الشعب السوري حضرتك زي ما فهموك لا دا كان بيحارب مرتزقة إسرا-ئيل اللي شغالين اليومين دول ضرب في الجيش السوري
والحرب العالمية دلوقتي إتنقلت من غـ-زة وجنوب لبنان لسوريا
وفي نفس الوقت بيفتحوا جبهة مع الروس في سوريا علشان يخفوا الضغط عن اوكرانيا
هتقولولي إزاي …!!
هقولكم علشان روسيا لما دخلت الحرب ف اوكرانيا وكانت سوريا هديت إلى حد ما سحبت مقاتلين كتير من جبهة سوريا وبعتتهم على جبهة اوكرانيا
ف السؤال هنا…
يا ترى روسيا هتعمل إيه في جبهة سوريا اللي إتفتحت عليها !!!
إجابة السؤال ده هتلاقيه تحت في تقرير تحيا مصر
أمريكا…
تقريبا كدا اللي فات دا كله كان حمادة…. واللي جاي دا حمادة تاني خالص
هتقولولي ليه….!!!
هقولكم علشان ترامب طلع وقال تصريح من كلمتين قلبوا الدنيا…
ترامب طلع وقال….
أمريكا أولا
ومكنش حد فاهم هو يقصد إيه !!
حاجة كدا زي اللي قالها السيسي أول ما مسك وقال… تحيا مصر
طب يا عم ترامب امريكا اولا وبعدين ؟؟
قالك مبدأيا كدا وبسم الله الرحمن الرحيم…
اوروبا دي بنت تيت ولازم يدفعوا ١٠ ٪ ضريبة على اي حاجة يصدروها لامريكا
الإتحاد الاوروبي كله هاج عليه طبعا علشان إعتبروها إن دي حرب إقتصادية على اوروبا
هتقولولي ليه !!!
هقولكم علشان ال ١٠٪ جمارك دول يزودوا التضخم في اوروبا كلها ١٠٪ مرة واحدة
دا فوق التضخم اللي عندهم أصلا
لدرجة إن وزير الإقتصاد البريطاني طلع وقال دي مصيبة وهتحل علينا وهتكون كوارثة الإقتصادية أكتر من إنسحاب بريطانيا من الإتحاد الاوروبي !!
و طلعت أرسولا فون دير لاين رئيسة المفاوضية الاوروبية وقالت…
إلهي تجيه مصيبة تاخدة….تقصد ترامب طبعا
هيكون سبب في إفلاس شركات أوروبية كتير وتسريح عمالة ورفع التضخم في اوروبا
وراحت قايلة في المؤتمر الصحفي …
عريت راسي ودعيت عليه دعوة ولية ساعة عصرية….
بس قالتها بالانجليزي طبعا
ألمانيا طبعا مش مصدقة اللي بيحصل علشان إقتصادها اصلا ماشي بدعوات الصالحين من ايام الست الطاهرة ميركل
فرنسا بقا…
طلع ماكرون وقال…
أنا قولتلكم يا ولاد ال 🐕 إحنا لازم ننفصل عن القرار الامريكي ويكون لينا كيان إقتصادي وعسكري منفصل عن أمريكا ومحدش سمع كلامي
ترامب يسكت…. ابدا !!!
وراح رازع كندا جمارك ١٥٪
والصين ١٠٪
طلع رئيس وزاراء كندا وقال….
كدا يا ترامب يا خويا ترزعني ١٥٪ جمارك مرة واحدة
طب دا إحنا سارقين قاتــلين نصبين على العالم مع بعض
ترامب قاله إدفع وانت ساكت يابن ال 🐕
طب ترامب بيعمل كل دا ليه ؟؟؟
ترامب غصب عنه عنده ديون تخطت ال ٣٥ ترليون دولار مش عارف هيعمل فيهم إيه
مفيش حل قدامه غير إنه يقلب الناس دي ويقولهم امريكا اولا
دا شويه كدا وهيعمل صندوق تحيا امريكا
اه والله…. وبكرة تقولوا اني قلتها
ترامب يسكت على كدا…. ابدا !!
الولا إيلون ماسك لعب في دماغة وقاله بقولك إيه يابو حنان
انا شايف أن الصناعات العسكرية الامريكية دي ملهاش اي تلاتين لازمة وبتكلف امريكا ترليونات بالهبل
ولو دخلنا حرب بجد هناخد فيها
دي حتى الطيارة الF35 الشبحية اللي طالعين بيها السما بنت ممم ومش جايبة همها
طب اقولك ع الكبيرة يا ابوحنان…. قاله قول؟
الدبابات والمدافع والصواريخ الامريكاني دي مصاريف ع الفاضي ولو دخلنا بيهم حرب هنلبسهم….
والبنتاجون ده هفأ….!!
ترامب قاله طب إيه البديل…؟؟
قاله بص بقا
احنا هنعمل جيش امريكي جديد لانج وهنسرح الجيش القديم بدباباته وطياراته ومدافعة وهنقفل المصانع علشان مصاريفها كتير
الجيش الجديد هيعتمد كله على الذكاء الإصطناعي ومفيش اي تدخل بشري
جيش من الروبوتس…… هو اللي هيتحكم في كل حاجة بعيدا عن التحكم البشري… ينهار إسود جيش من الروبوتس هو اللي هيصنع وهيطور وهيطير وهيحارب كمان
إنتوا متخيلين الرعب…!!!
لاء ثانية واحدة…. هو مش لسه بيفكر وبيحلم حضرتك !! لا دول جاهزين وع التنفيذ وترامب بنفسه راح شافهم الاسبوع اللي فات
أوكرانيا….
الجيش الاوكراني إمبارح اعلن عن خسايره في الحرب مع روسيا وقال إنه فقد ٦٠٠ الف جندي لحد دلوقتي ما بين مصاب وجريح ووفاه
وعلشان كدا هيعمل إيه بقا….!!!
قالك هنخفض سن التجنيد علشان نعوض العدد دا كله وطلعوا قرار ان سن التجنيد من ١٨ سنة بعد ما كان ٢٥ سنة طبعا يبان ليك انه قرار عادي بس الحقيقة هو قرار مش عادي خالص علشان دا بيظهر ان الجيش الاوكراني خلاص في النفس الأخير وبيشطب لدرجة انه هيجند شباب صغير يمكن حتى لسه مكملش تعليمه الجامعي
روسيا…
أندريه بيلوسوف…!!
مين اندريه بيلوسوف دا بقي !!
لا حضرتك متشغلش بالك دا وزير الدفاع الروسي في زيارة رسمية لكوريا الشمالية بقاله يومين وبيتفقوا على التصنيع العسكري المشترك شوف انت بقا لما روسيا وكوريا الشمالية يصنعوا سلاح مع بعض …. الكوكب هيروح فين
وفي تحيا مصر ……..
الشعب المصري كله كان اليومين اللي فاتوا بيتخانق بسبب المصالحة المجتمعية والاسماء اللي إتشالت من ولمؤاخذة قوائم الإرهـ-اب….!!
طب هو إيه اللي بيحصل دا …؟
وجهة نظري انا شخصيااا….
الفيلم الهندي اللي عمله بوتين مع مقاتلين الشيشان ف التسعينيات وتم ترويضهم وتدريبهم للقتال في مناطق معينة لصالح الدولة الروسية هيتكرر تاني بس في الشرق الاوسط…!!
هتقولولي إزاي …!!
أنا عارف ان الكلام ده في ناس كتير ممكن ما تستوعبهوش وممكن فيوز دماغهم تضرب
بص يا صديقي الحرب في المنطقة بعد حرب لبنان هتبقى حروب من نوع تاني خالص…
من حرب الجيوش لحرب الميلـ-يشيات والمرتزقة في المناطق المتنازع عليها زي سوريا كدا إركن بقا الجيوش النظامية على جنب حضرتك وتعالى نلعب لعبة قذرة في سوريا دلوقتي جبهة تحرير الشام….. اللي هي القاعدة حضرتك بتحارب في سوريا بتخطيط وتمويل من أمريكا وإسـ-رائيل….. حلو ؟؟
لا مش حلو….. !!
علشان الميليـ-شيات دي مينفعش تحاربها بجيش نظامي…… هتخسر والله وهيتعلم عليك
ودا اللي حصل مع الجيش السوري والجيش العراقي ف حضرتك محتاج تحارب أمريكا وإسـ-رائيل في المنطقة بنفس الإسلوب والطريقة اللي هما بيحاربوك بيها فتح دماغك معايا علشان انا عارفة ان فيوز دماغك هتضرب مني منا قولتلكم ف الأول إن دا اخطر مقال من مقالاتي هو انا مش حذرتك…. بس إنت ما أخدتش بالك
هتقولولي ثانية واحدة !!!
طب ما في ميليـ-شيات بتحارب إسـ-رائيل فعلا زي حزب-الله والحـ-وثيين وغيرهم
هقولكم دول بيتحركوا بأمر من إيـ-ران وبينفذوا أجندتها بالظبط ودا ضد مصالحك في المنطقة .
ف وجهة نظري إن مصر وروسيا وتركيا التلاتة بالتنسيق مع بعض قرروا إني يبقا ليهم رجالتهم على الأرض هما كمان في المناطق الساخنة وينفذوا أجندتهم بعيدا عن دخول الجيوش النظامية في عاركة مش هتخلص….. والدكر اللي يكمل للآخر أيوا زي ما فهمت كدا حضرتك هنحارب امريكا وإسـ-رائيل بنفس السلاح اللي هما إخترعوه
طب دا محتاج إيه ….!!!
محتاج إنك تفتح قنوات إتصال و….
لا معلش الكلام اللي هقوله ممكن يوديني ورا الشمس…… ممم اقصد يوديني مارينا
بس التطور اللي حصل على الجبهة السورية يخلي الجبهة المصرية لازم تسبق بخطوة
طب هل هتحصل مصالحة والجماعة هيترفع عنها الحظر في مصر….. ؟
إطلاقا يا صديقي
هو بعد العيد بيندعك كحك
إنما هيعاد إحيائها في حتة تانية خالص برة مصر وبشكل تاني خالص زي ما حصل مع المقاتلين الشيشانيين في روسيا
ونلم بقا الشوية اللي في غرب ليبيا على الشوية اللي في السودان على الشوية اللي ف….. مممم واتيفر يعني
ونبعتهم قصاد جبهة تحرير الشام ويرازو ف إسـ-رائيل من الشمال
هتطلعلي واحدة من المطبخ وهي قامطة راسها وماسكة السكينة وتقولي طب وأحمد المسلماني !!!
اللي بقا رئيس الهيئة الوطنية للإعلام…؟
هقولك أحمد المسلماني رجل عظيم واللي إختاره راجل بيفهم بجد هتقوليلي دي الفيديوهات بتاعته مالية الدنيا عن الإخوان !!!
هقولك مش جايز دا كان تكليف ليه من أجهزة سيادية أنا بقول جايز ….. إحنا هنعرف أكتر منهم يعني هما ماشافوش الفيديوهات دي مثلا اللي حضرتك شوفتيها
هضربلك مثل صغنن….!!
رأفت الهجان لما سافر إسـ-رائيل وبقا مواطن إسـ-رائيلي دا كان تكليف من أجهزة سيادية ولا هو راح خبط الباب عليهم وقالهم ساموعليكم…. انا عايز ابقا مواطن عندكم والنبي يارب ابوكم يحج ؟؟
لو حضرتك كنتي شوفتيه ساعتها كنتي هتقولي دا يهـ-ودي إبن يهـ-ودي
ف متستغربيش وإهدي كدا وإشربي شاي بالنعناع وهدي اعضائك علشان الحرب إحلوت اوووي بعد اللي بيحصل في سوريا
كمان في تحيا مصر ….
إنضمام مصر لنادي الدول النووية…!!
أكبر عشر دول إعتمادا على الطاقة النووية
يعني إيه الكلام دا !!!
هقولكم مصر بمشروع الضبعة النووي هتبقى من اكبر عشر دول في العالم في إنتاج الطاقة من المفاعلات النووية
مشروع الضبعة ده مش مشروع طاقة نووية وبس حضرتك !!!
دا مشروع القرن علشان الطاقة اللي هتنتج عنه هتغطي مصر وهتصدر للدول العربية وأوروبا وإفريقيا كمان
مش كدا وبس…!!!
المية اللي هتنتج من المشروع ده بعد معالجتها وفلترتها هيتم بيها إستصلاح مليون فدان في الصحراء
مش كدا وبس حضرتك….!!
عارفين قاعدة محمد نجيب العسكرية !!!
اللي هي اكبر قاعدة عسكرية ف إفريقيا والشرق الاوسط إتعملت أصلا علشان تحمي مشروع الضبعة النووي
اومال حضرتك أهل الشر هيتجننوا منك ليه !؟؟ علشان حضرتك قبل ما تعمل مشروع الضبعة بخمس سنين عملت قاعدة محمد نجيب لحمايتها يعني اللي هيفكر يقرب…. يجرب !! ورغم كدا مدفعتش ولا دولار فيها
روسيا هتاخد فلوسها بعد ٣٠ سنة دي اصلا كانت عربون محبة من بوتين للسيسي
أهو مشروع الضبعة النووي ده دخل مصر في نادي الدول النووية
ومصر بقت دولة نووية حضرتك من غير فرهدة ولا خناق ولا صوت عالي ومن غير ما حد يحس في العالم
كمان في تحيا مصر …
وفي عز الدشملة اللي بتحصل في العالم وفي المنطقة …مصر الإسبوع ده عملت أعظم إنجاز في خطوط الملاحة والمواني والدعم اللوجستي خط الرورو الملاحي بين ميناء دمياط وإيطاليا…هتقولي إزاي ؟؟
هقولكم ببساطة كدا مصر عملت خط ملاحي للشاحنات والتريلات بين مصر وإيطاليا
يعني التريلات اللي عليها حاصلات زراعية مصريه وهتصدرها لأوروبا هتطلع على الخط الملاحي رورو وتركب السفينة وهي متحملة على الشاحنات منغير ما تنزل حمولتها في الميناء والتريلات هتركب السفن وتنزل ف إيطاليا بنفس حمولتها وهتطلع على الاسواق ف إوروبا هما يومين تلاتة وهتوصل طازجة
ودا اللي خلى الشركات الصينية والاماراتية جايين يستصلحوا أراضي كتير في الوادي الجديد في مصر علشان منتجاتهم هتوصل لأوروبا بسرعة ومنغير فرهدة ولا جمارك ولا عطلة في الميناء
مش كدا وبس….!!!
والدول الإفريقية اللي عايزة تصدر لأوروبا منتجاتها الزراعية هتجيلك على طول
مصر بتتجهز إنها تكون أكبر مركز لوجستي في العالم لسلاسل الإمداد حضرتك
ومش عايزها تتحارب من أهل الشر….. ؟!!!
تحياااااامصر السيسي حرة شااااامخة ابية علي طول الزمان.
شكرا…..
