الادب والقصه

قصيدة * فى وسط التوهه والزحمه * للشاعر * حسن على الخطيب *

قصيدة * فى وسط التوهه والزحمه *
للشاعر * حسن على الخطيب *

فى وسط التوهه والزحمه
تاهت الطيبه والرحمه
ومات الضمير فى حادث مرير
وماتجوزش عليه إلا الرحمه

وويا سرعة الأيام
ضاع الطموح وضاعت الأحلام
وبقينا عايشين والسلام
وبقينا مش فاهمين روحنا

فى صراع البقاء للأقوى
نسينا إزاى إن ربنا أقوى
من كل البشر والكون
وبقينا على بعض بنستقوى

فى صراع الحياه والموت
من فينا عايش مبسوط
غير اللى من ربه قريب
وقلبه مليئ بالإيمان والتقوى

ووسط ده كله شايف لسه بردوا فيه أمل
ورغم كل المخاوف والخطر المحتمل
هفضل عشمان فى عظمة ورحمة ربنا
وهفضل طمعان فى كرمه ومش هقول ايه العمل

وهااسعى واجتهد واعمل ما فى قصارى جهدى
لأخر يوم فى عمرى وهاافضل باقى على وعدى
للى بحبهم ومسئولين منى وليهم حقوق عليا
لو حتى مش حاسين بيا أو صبحوا يادنيا ضدى

أشعار.. حسن على الخطيب

شبكة اخر خبر 

مقالات ذات صلة

زر الذهاب إلى الأعلى