بقلم/سكينة الصولي
قلبي بيتحدى آلامى
علشان تعيش أحلامى
واتحدى كل عذابى
وأفتح للفرح كتابى
وأقرواالمكتوب على بابى
بأتمنى أشوف أيامى
بتشاور على أحلامى
وقلبي بيتحدى آلامى
يادموعى كفاية تسيلى
فى نهارى وعتمة ليلى
خللى شوية لأفراحى
تداوى٠٠٠ كل جراحى
وأنسي همومى ونواحى
وأرفع للسما أعلامى
قلبي بيتحدى آلامى
مش ناقصة أحزان توجع
أنا قلبي أنينه بيسمع ٠٠
فى كل الدنيا الفانية
بأتمنى ألاقى حاجة تانية
أعيشها فى كل ثانية
وأحقق فيها أحلامى
وأنسي همومى وآلامى
