كتب/ انصاف سمير
الطفل مالك فى المستشفي وأيده يعتبر إنتهت بسبب أمه
مالك سبع سنوات أمه ليست كأى ام ، وللأسف بنقول ام!!!مسكت إيد ابنها وفتحت عليها حنفية المية المغلية، وفضلت دايسة على إيده لحد ما الجلد داب واتحرق تماماً، وكل ده عشان “بتأدبه”! وبتربيه وبتعلمه وبتفهمه الصح من الغلط وبكل برود كلمت أبوه بتقوله “مالك إتحر.ق”، وكأنها بتتكلم عن كوباية اتكسرت مش روح بتتعذب ولا إبنها اللى
بتتكلم عليه
اللي عملته الست دي مش “عقاب” ده تعذيب ممنهج وجريمة سادية متكاملة الأركان. أي قلب أم ايه دا اللي متهزش أنا قلبى بيتقطع وانا بكتب
وصريخ طفل ياقادره محركش مشاعرك؟؟؟؟؟
دي ست خطر حقيقي على المجتمع قبل ما تكون خطر على عيالها
اللي حصل لمالك لازم يقلب الدنيا، والست دي مكانها الطبيعي ورا القضبان بأقصى عقوبة ممكنة، لأن اللي بيعمل كدة في ضناه ملوش مكان وسطنا دي مش مجرد إصابة، دي عاهة مستديمة جسدياً ونفسياً هتفضل محفورة في ذاكرة الطفل طول عمره. لازم القانون ياخد حق مالك تالت ومتلت، وتكون عبرة لكل واحدة فاكرة إن الخلفة “صك تمليك” او كارت تهديد للغير وتصفيه حسابات… الولد ده هيعيش إزاى بعد كده بعد ما مصدر الأمان أصبح مصدر رعب وخوف
لا حول ولاقوة إلا بالله العلي العظيم
امهات آخر زمن
