📌مواد إغاثية وبنقدم من لحمنا الحي! 📌حالات حرجة ورضع وبنستقبل في كل مستشفيات مصر! 📌جيش وحركناه ع الحدود وباقي بينا وبين الدرمغة الشاملة ميزد كول! 📌تبرعات وبنتبرع رغم اننا اساساً مكملين عشانا نوم! 📌مفاوضات وبنتفاوض ومسحولين مناهدات ومفرهدين بعض احنا وولاد الكيان المتسخ!!! 📌داخلين في حوار مع الغرب وصدام مع اكبر دولة في العالم ، وشبه محاصرين اقتصادياً علشان خاطر القضية تفضل عايشة!!! 📌دعم اعلامي ومفيش حاجة بتتقدم على القنوات السياسية المصرية إلا القضية! 📌دعم من الدولة وتقريباً بقالنا ٥ شهور كل مؤسسات الدولة مالهاش شغلة ولا مشغلة إلا القضية! 📌حتى المرافعة في المحكمة الكرتونية الدولية ، اترافعنا وقدمنا كل الورق والمستندات اللي مش موجودة مع اصحاب القضية نفسهم!!
أنا عايزة افهم بس ، هو مطلوب من مصر ايه اكتر من كده؟! ، بلاش ، هو مين في الكوكب ده قدم للقضية دي ربع اللي قدمته مصر ، مين أصلًا اللي معطل كل الترتيبات اللي في شبه إجماع عليها!!!!!
أنا عايزة اعرف ، مين يا جماعة قدم فيما بعد ٧ أكتوبر نص اللي قدمته مصر ، مين من الدول اللي اقتصادياً افضل مننا وعدد سكانها اقل من عدد سكان شارع شبرا هز طوله وبعت بوكيه ورد حتى!!!!
أنا بتكلم بالامانة ، هما الناس اللي مقموصين من موقف مصر اللي هو مليان تصعيد من اول يوم أصلاً ، وبينه وبين إعلان الحرب أقل من ربع خطوة ،؟ الناس دي مقموصين ليه ومن ايه ، وايه اللي ممكن تقدمه مصر اكتر من كده!!!!!! …. وعجبي؟؟
